ພຣະພິກຂຸປະຕິໂມກຂ໌

 

ພຣະພິກຂຸປາຕິໂມກ 

  ນະໂມ ຕັສສະ ພະຄະວະໂຕ ອະຣະຫະໂຕ ສັມມາສັມພຸທທັສສະ(ວ່າ 3 ເທື່ອ)

  ສຸນາຕຸ ເມ ພັນເຕ ສັງໂຄ ອັຊຊຸໂປສະໂຖ ປັນນະຣະໂສ ຍະທິ ສັງຄັສສະ ປັຕຕະກັນລັງ ສັງໂຄ ອຸໂປສະຖັງ ກະໄລຍະ ປະຕິໂມກຂັງ ອຸທທິໄສຍະ,

  ກິງ ສັງຄັສສະ ປຸບພະກິດຈັງ ປາຣິສຸດທິງ ອາຍັສສະມັນໂຕ ອາໂຣເຈຖະ ປາຕິໂມກຂັງ ອຸທທິສສາມິ. ຕັງສັບເພວະ ສັນຕາ ສາທຸກັງ ສຸໂນມະ ມະນະສິກະໂຣມະ. ຍັສສະ ສິຍາ ອາປັດຕິ, ໂສ ອາວິກະໄລຍະ, ອະສັນຕິຍາ ອາປັດຕິຍາ ຕຸນຫິ ພະວິຕັບພັງ. ຕຸນ໌ຫິ ພາເວນະ ໂຂ ປະນາຍັສ໌ມັນເຕ ປະຣິສຸທທາຕິ ເວທິສສາມິ. ຍະຖາ ໂຂ ປະນະ ປັດເຈກະປຸດຖັສສະ ໄວຍາກະຣະນັງ ໂຫຕິ, ເອວະເມວັງ ເອວະ ຣູປາຍະປະຣິສາຍະ ຍາວະຕະຕິຍັງ ອະນຸສສາວິຕັງ ໂຫຕິ. ໂຍ ປະນະ ພິກຂູ ຍາວະຕະຕິຍັງ ອະນຸສສາວິຍະມາເນ ສະຣະມາໂນ ສັນຕິງ ອາປັດຕິງ ນາວິກະໄລຍະ, ສັມປະຊານະມຸສາວາທັສສະ ໂຫຕິ, ສັມປະຊານະ ມຸສາວາໂທ ໂຂ ປະນາຍັສ໌ມັນໂຕ ອັນຕະຣາຍິໂກ ທັມໂມ ວຸຕໂຕ ພະຄະຕາ, ຕັສ໌ມາ ສະຣະມາເນນະ ພິຂຸນາ ອາປັນເນນະ ວິສຸທທາ ເປກເຂນະ ສັນຕິ ອາປັຕຕິ ອາວິກາຕັພພາ. ອາວິກະຕາ ຫິສສະ ຜາສຸ ໂຫຕິ.

  ນິທານັງ ນິຖຖີຕັງ.

  ປາຣາຊືກ 4

  ຕັຕ໌ຣິເມ ຈັຕຕາໂຣ ປາຣາຊິກາ ທັມມາ ອຸທເທສັງ ອາຄັຈສັນຕິ.

1. ໂຍ ປະນະ ພິກຂຸ ພິກຂູນັງ ສິກຂາສາຊີວະສະມາປັນໂນ ສິກຂັງ ອັປປັຈຈັກຂາຍະ ທຸບພັນຍັງ ອະນາວິກັຕ໌ວາ ເມຖຸນັງ ທັມມັງ ປະຕິເສໄວຍະ ອັນຕະມະໂສ ຕິຣັສສານະຄະຕາຍະປິ, ປາຣາຊິໂກ ໂຫຕິ ອະສັງວາໂສ.

2. ໂຍ ປະນະ ພິກຂຸ ຄາມາ ວາ ອະຣັນຍາ ວາ ອະທີນນັງ ໄຖຍະສັງຂາຕັງ ອາທິໄຍຍະ, ຍະຖາຣູເປ ອະທິນນາທາເນ ຣາຊາໂນ ໂຈຣັງ ຄະເຫຕ໌ວາ ຫະໄນຍຸງ ວາ ພັນໄທຍຸງ ວາ ປັພພາໄຊຍຸງ ວາ “ໂຈໂຣສິ ພາໂລສິ ມຸລະໂຫສິ ເຖ ໂນສີຕິ” ຕະຖາຣູປັງ ພິກຂຸ ອະທີນນັງ ອາທິຍະມາໂນ, ອະຍັມປິ ປາຣາຊິໂກ ໂຫຕິ ອະສັງວາໂສ.

3. ໂຍ ປະນະ ພິກຂຸ ສັນຈິຈຈະ ມະນຸສສະວິຄຄະຫັງ ຊີວິຕາ ໂວໂຣໄປຍະ, ສັດຖະຫາຣະກັງ ວາສສະ ປະຣິເຍໄສຍະ, ມະຣະນະ ວັນນັງ ວາ ສັງວັນໄນຍະ, ມະຣະນາຍະ ວາ ສະມາທະໄປຍະ “ອັມໂພ ປຸຣິສະ ກິງ ຕຸຍຫິມິນາ ປາປະເກນະ ທຸຊຊີວິເຕນະ, ມະຕັນເຕ ຊີວິຕາ ເສຍໂຍຕິ” ອິຕິ ຈິຕຕະມະໂນ ຈິຕຕະສັງກັບໂປ ອະເນກະປະຣິຍາເຍນະ ມະຣະນະວັນນັງ ວາ ສັງວັນໄນຍະ, ມະຣະນາຍະ ວາ ສະມາທະໄປຍະ, ອະຍັມປິ ປາຣາຊິໂກ ໂຫຕິ ອະສັງວາໂສ.

4. ໂຍ ປະນະ ພິກຂຸ ອະນະພິຊານັງ ອຸຕຕະຣິມະນຸສສະທັມມັງ ອັຕຕູປະນາຍິກັງ ອະລະມະຣິຍະຍານະທັສສະນັງ ສະມຸທາຈະໄຣຍະ “ອິຕິ ຊານາມິ, ອິຕິ ປັສສາມີຕິ, ຕະໂຕ ອະປະເຣນະ ສະມະເຍນະ ສະມະນຸຄຄາຫິຍະມາໂນ ວາ ອະສະມະນຸຄຄາຫິຍະມາໂນ ວາ ອາປັນໂນ ວິສຸທທາເປກໂຂ ເອວັງ ວະໄທຍະ ອະຊານະເມວັງ ອາວຸໂສ ອະວະຈັງ ຊານາມິ” ອະປັສສັງ “ປັສສາມິ” ຕຸດສັງ ມຸສາ ວິລະປິນຕິ, ອັນຍັຕ໌ຣະ ອະທິມານາ, ອະຍັມປິ ປາຣາຊິໂກ ໂຫຕິ ອະສັງວາໂສ.

  ອຸທທິດຖາ ໂຂ ອາຍັສ໌ມັນໂຕ ຈັຕຕາໂຣ ປາຣາຊິກາ ທັມມາ, ເຍສັງ ພິກຂຸ ອັນຍະຕະຣັງ ວາ ອັນຍະຕະຣັງ ວາ ອາປັຊຊິຕ໌ວາ ນະລະພະຕິ ພິກຂູຫິ ສັທທິງ ສັງວາສັງ, ຍະຖາ ປຸເຣ, ຕະຖາ ປັດສາ, ປາຣາຊິໂກ ໂຫຕິ ອະສັງວາໂສ.

  ຕັດຖາຍັສ໌ມັນເຕ ປຸດສາມິ. ກັດຈິດຖະ ປະຣິສຸທທາ?
ທຸຕິຍັມປິ ປຸດສາມິ. ກັດຈິດຖະ ປະຣິສຸທທາ?
ຕະຕິຍັມປິ ປຸດສາມິ. ກັດຈິດຖະ ປະຣິສຸທທາ?
ປະຣິສຸດເທດຖາຍັສ໌ມັນໂຕ, ຕັສ໌ມາ ຕຸນ໌ຫິ, ເອວະເມຕັງ ທາຣະຍາມິ.

  ປາຣາຊິກຸດເທໂສ ນິດຖີໂຕ.

  ສັງທິເສດ 13

  ອິເມ ໂຂ ປະນາຍັສ໌ມັນໂຕ ເຕຣະສະສັງຄາທິເສສາ ທັມມາ ອຸດເທສັງ ອາຄັດສັນຕິ

1. ສັນເຈຕະນິກາ ສຸກກະວິສັດຖິ, ອັນຍັຕ໌ຣະ ສຸປິນັນຕາ ສັງຄາທິເສໂສ

2. ໂຍ ປະນະ ພິກຂຸ ໂອຕີນໂນ ວິປະຣິນະເຕນະ ຈິດເຕນະ ມາຕຸຄາເມນະ ສັທທິງ ກາຍະສັງສັຄຄັງ ສະມາປັດໄຊຍະ, ຫັດຖະຄາຫັງ ວາ ເວນິຄາຫັງ ວາ ອັນຍະຕະຣັສສະ ວາ ອັນຍະຕະຣັສສະ ວາ ອັງຄັສສະ ປະຣາມະສະນັງ, ສັງຄາທິເສໂສ.

3. ໂຍ ປະນະ ພິກຂຸ ໂອຕີນໂນ ວິປະຣິນະເຕນະ ຈິດເຕນະ ມາຕຸຄາມັງ ທຸດຖຸນລາຫິ ວາຈາຫິ ໂອພາໄສຍະ, ຍະຖາຕັງ ຍຸວາ ຍຸວະຕິງເມຖຸນູປະສັນຫິຕາຫິ, ສັງຄາທິເສໂສ.

4. ໂຍ ປະນະ ພິກຂຸ ໂອຕິນໂນ ວິປະຣິນະເຕນະ ຈິດເຕນະ ມາຕຸຄາມັດສະ ສັນຕິເກ ອັດຕະກາມະປາຣິຈະຣິຍາຍະ ວັນນັງ ພາໄສຍະ ເອຕະທັກຄັງ ພະຄິນິ ປາຣິຈະຣິຍານັງ, ຍາ ມາທິສັງ ສີລະວັນຕັງ ກັນລະຍານະ ທັມມັງ ພຣົມມະຈາຣິງ ເອເຕນະ ທັມເມນະ ປະຣິຈະໄຣຍາຕິເມຖຸນູປະສັນຫິເຕນະ, ສັງຄາທິເສໂສ.

5. ໂຍ ປະນະ ພິກຂຸ ສັນຈະຣິດຕັງ ສະມາປັດໄຊຍະ ອິດຖີຍາ ວາ ປຸຣິສະມະຕິງ ປຸຣິສັສສະ ວາ ອິດຖີມະຕິງ ຊາຍັດຕະເນ ວາ ຊາຣັດຕະເນ ວາ ອັນຕະມະໂສ ຕັງຂະນິກາຍະປິ, ສັງຄາທິເສໂສ.

6. ສັນຍາຈິກາຍະ ປະນະ ພິກຂຸນາ ກຸຕິງ ກາຣະຍະມາເນນະ ອັສສາມິກັງ ອັດຕຸດເທສັງ ປະມານິກາ ກາເຣຕັພພາ, ຕັຕ໌ຣິທັງ ປະມານັງ. ທິຄະໂສ ທະວາທະສາ ວິທັດຖີໂຍ ສຸຄະຕະວິທັດຖີຍາ, ຕິຣິຍັງ ສັດຕັນຕະຣາ. ພິກຂູ ອະພິເນຕັພພາ ວັດຖຸເທສະນາຍະ, ເຕຫິ ພິກຂູຫິ ວັດຖຸງ ເທເສຕັພພັງ ອະນາຣັມພັງ ສະປະຣິກກະມະນັງ. ສາຣັມເພ ເຈ ພິກຂຸ ວັດຖຸສ໌ມິງ ອະປະຣິກກະມະເນ ສັນຍາຈິກາຍະ ກຸຕິງ ກາໄຣຍະ, ພິກຂູ ວາ ອະນະພິໄນຍະ ວັດຖຸເທສະນາຍະ, ປະມານັງ ວາ ອະຕິກກາໄມຍະ, ສັງຄາທິເສໂສ.

7. ມະຫັນລະກັມປະນະ ພິກຂຸນາ ວິຫາຣັງ ກາຣະຍະມາເນນະ ສັດສາມິກັງ ອັດຕຸດເທສັງ ພິກຂູ ອະພິເນຕັພພາ ວັດຖຸເທສະນາຍະ, ເຕຫິ ພິກຂູຫິ ວັດຖຸງ ເທເສຕັພພັງ ອະນາຣັມພັງ ສະປະຣິກກະມະນັງ. ສາຣັມເພ ເຈ ພິກຂຸ ວັດຖຸສ໌ມິງ ອະປະຣິກກະມະເນ ມະຫັນລະກັງ ວິຫາຣັງ ກາໄຣຍະ, ພິກຂູ ວາ ອະນະພິໄນຍະ ວັດຖຸເທສະນາຍະ, ສັງຄາທິເສໂສ.

8. ໂຍ ປະນະ ພິກຂຸ ພິກຂຸງ ທຸດໂຖ ໂທໂສ ອັບປະຕີໂຕ ອະມູລະເກນະ ປາຣາຊິເກນະ ທັມເມນະ ອະນຸດທັງໄສຍະ ອັບເປວະ ນາມະ ນັງ ອິມັມຫາ ພຣົມມະຈະຣິຍາ ຈາໄວຍັນຕິ. ຕະໂຕ ອະປະເຣນະ ສະມະເຍນະ ສະມະນຸຄຄາຫິຍະມາໂນ ວາ, ອະສະມະນຸຄຄາຫິຍະມາໂນ ວາ, ອະມູລະກັນເຈວະ ຕັງ ອະທິກະຣະນັງ ໂຫຕິ, ພິກຂຸ ຈະ ໂທສັງ ປະຕິດຖາຕິ, ສັງຄາທິເສໂສ.

9. ໂຍ ປະນະ ພິກຂຸ ພິກຂຸງ ທຸດໂຖ ໂທໂສ ອັບປະຕິໂຕ ອັນຍະພາຄິຍັສສະ ອະທິກະຣະນັສສະ ກີນຈິ ເທສັງ ເລສະມັດຕັງ ອຸປາທາຍະ ປາຣາຊິເກນະ ທັມເມນະ ອະນຸທທັງໄສຍະ ອັບເປວະ ນາມະ ນັງ ອິມັມຫາ ພຣົມມະຈະຣິຍາ ຈາໄວຍັນຕິ. ຕະໂຕ ອະປະເຣນະ ສະມະເຍນະ ສະມະນຸຄຄາຫິຍະມາໂນ ວາ, ອະສະມະນຸຄຄາຫິຍະມາໂນ ວາ, ອັນຍະພາຄິຍັນເຈວະ ຕັງ ອະທິກະຣະນັງ ໂຫຕິ, ໂກຈິ ເທໂສ ເລສະມັດໂຕ ອຸປາທິນໂນ ພິກຂຸ ຈະ ໂທສັງ ປະຕິດຖາຕິ, ສັງຄາທິເສໂສ.

10. ໂຍ ປະນະ ພິກຂຸ ສະມັກຄັສສະ ສັງຄັສສະ ເພທາຍະ ປະຣັກກະໄມຍະ ເພທະນະສັງວັຕຕະນິກັງ ວາ ອະທິກະຣະນັງ ສະມາທາຍະປັກໄຄຫະ ຕິດໄຖຍະ. ໂສ ພິກຂຸ ພິກຂູຫິ ເອວະມັສສະ ວະຈະນິໂນ ມາ ອາຍັສ໌ມາ ສະມັກຄັສສະ ສັງຄັສສະ ເພທາຍະ ປະຣັກກະມິ, ເພທະນະສັງວັຕຕະນິກັງ ວາ ອະທິກະຣະນັງ ສະມາທາຍະ ປັກໄຄຫະ ອັດຖາສິ, ສະເມຕາຍັສ໌ມາ ສັງເຄນະ, ສະມັກໂຄ ຫິ ສັງໂຄ ສັມໂມທະມາໂນ ອະວິວະທະມາໂນ ເອກຸດເທໂສ ຜາສຸ ວິຫະຣະຕີຕິ. ເອວັນຈະ ໂສ ພິກຂຸ ພິກຂູຫິ ວຸດຈະມາໂນ ຕະເຖວະ ປັກຄັນໄຫຍະ, ໂສ ພິກຂຸ ພິກຂູຫິ ຍາວະຕະຕິຍັງ ສະມະນຸພາສິຕັບໂພ ຕັສສະ ປະຕິນິດສັກຄາຍະ, ຍາວະ ຕະຕິຍັນເຈ ສະມະນຸພາສິຍະມາໂນ ຕັງ ປະຕິນິດສັດໄຊຍະ, ອິດເຈຕັງ ກຸສະລັງ, ໂນ ເຈ ປະຕິນິດສັດໄຊຍະ, ສັງຄາທິເສໂສ.

11. ຕັດເສວະ ໂຂ ປະນະ ພິກຂຸດສະ ພິກຂູ ໂຫນຕິ ອະນຸ ວັດຕະກາ ວັກຄະວາທະກາ, ເອໂກ ວາ ເທ໌ວ ວາ ຕະໂຍາ ວາ, ເຕ ເອວັງ ວະໄທຍຸງ, “ມາ ອາຍັສ໌ມັນໂຕ ເອຕັງ ພິກຂຸງ ກິນຈິ ອະວະຈຸດຖະ ທັມມະວາທີ ເຈໂສ ພິກຂຸ, ວິນະຍະວາທີ ເຈໂສ ພິກຂຸ, ອັມຫາກັນເຈໂສ ພິກຂຸ, ສັນທັນຈະ ຣຸຈິນຈະ ອາທາຍະ ໂວຫະຣະຕິ, ຊານາຕິ ໂນ ພາສະຕິ, ອັມຫາກັມເປຕັງ ຂະມະຕີຕິ. ເຕ ພິກຂູ ພິກຂູຫິ ເອວະມັດສຸ ວະຈະນີຍາ” ມາ ອາຍັສ໌ມັນໂຕ ເອວັງ ອະວະຈຸດຖະ, ນະ ເຈໂສ ພິກຂຸ ທັມມະວາທີ, ນະ ເຈໂສ ພິກຂຸ ວິນະຍະວາທີ, ມາ ອາຍັສ໌ມັນຕານັມປິ ສັງຄະເພໂທ ຣຸຈິດຖະ, ສະເມຕາຍັສ໌ມັນຕານັງ ສັງເຄນະ, ສະມັກໂຄ ຫິ ສັງໂຄ ສັມໂມທະມາໂນ ອະວິວະທະນາໂນ ເອກຸດເທໂສ ຜາສຸ ວິຫະຣະຕີຕິ. ເອວັນຈະ ເຕ ພິກຂູ ພິກຂູຫິ ວຸດຈະມານາ ຕະເຖວະ ປັກຄັນໄຫຍຸງ, ເຕ ພິກຂູ ພິກຂູຫິ ຍາວະຕິຍັງ ສະມະນຸພາສິຕັບພາ ຕັດສະ ປະຕິນິດສັກຄາຍະ, ຍາວະຕະຕິຍັນເຈ ສະມະນຸພາສິຍະມານາ ຕັງ ປະຕິນິດສັດ ໄຊຍຸງ, ອິດເຈຕັງ ກຸສະລັງ, ໂນ ເຈ ປະຕິນິດສັດໄຊຍຸງ ສັງຄາທິເສໂສ.

12. ພິກຂຸ ປະເນວະ ທຸບພະຈະຊາຕິໂກ ໂຫຕິ, ອຸດເທສະປະຣິ ຍາປັນເນສຸ ສິກຂາປະເທສຸ ພິກຂູຫິ ສະຫະທັມມິກັງ ວຸດຈະມາໂນ ອັດຕານັງ ອະວະຈະນີຍັງ ກະໂຣຕິ “ມາ ມັງ ອາຍັສ໌ມັນໂຕ ກິນຈິ ອະວະຈຸດຖະ ກັນລະຍານັງ ວາ ປາປະກັງ ວາ, ອະຫັມປາຍັສ໌ມັນເຕ ນະ ກິນຈິ ວັກຂາມິ ກັນລະຍານັງວາ ປາປະກັງ ວາ, ວິຣະມະຖາຍັສ໌ມັນໂຕ ມະມະ ວະຈະນາຍາຕິ, ໂສ ພິກຂຸ ພິກຂູຫິ ເອວະມັດສະ ວະຈະນີໂຍ” ມາ ອາຍັສ໌ມາອັດຕານັງ ອະວະຈະນິຍັງ ອະກາສິ, ວະຈະນິຍະເມວະ ອາຍັສ໌ມາ ອັດຕານັງ ກະໂຣຕຸ, ອາຍັສ໌ມາປິ ພິກຂູ ວະເທຕຸ ສະຫະທັມເມນະ, ພິກຂູປິ ອາຍັສ໌ມັນຕັງ ວັກຂັນຕິ ສະຫະທັມເມນະ, ເອວັງ ສັງວັດທາ ຫິ ຕັດສະ ພະຄະວະໂຕ ປະຣິສາ, ຍະທິທັງ ອັນຍະມັນຍະວະຈະເນນະ ອັນຍະ ມັນຍະວຸດຖາປະເນນາຕິ. ເອວັນຈະ ໂສ ພິກຂຸ ພິກຂູຫິ ວຸດຈະມາໂນ ຕະເຖວະ ປັກຄັນໄຫຍະ, ໂສ ພິກຂຸ ພິກຂູຫິ ຍາວະຕະຕິຍັງ ສະມະນຸ ພາສິຕັພໂພ ຕັສສະ ປະຕິນິດສັກຄາຍະ, ຍາວະຕະຕິຍັນເຈ ສະມະນຸພາ ສິຍະມາໂນ ຕັງ ປະຕິນິດສັດໄຊຍະ, ອິດເຈຕັງ, ກຸສະລັງ,ໂນ ເຈ ປະຕິນິດສັດໄຊຍະ, ສັງຄາທິເສໂສ.

13. ພິກຂຸ ປະເນວະ ອັນຍະຕະຣັງ ຄາມັງ ວາ ນິຄະມັງ ວາ ອຸປະນິດສາຍະ ວິຫະຣະຕິ ກຸລະທູສະໂກ ປາປະສະມາຈາໂຣ, ຕັດສະ ໂຂ ປາປະກາ ສະມາຈາຣາ ທິດສັນຕິ ເຈວະ ສຸຍຍັນຕິ ຈະ, ກຸລານິ ຈະ ເຕນະ ທຸດຖານິ ທິດສັນຕິ ເຈວະ ສຸຍຍັນຕິ ຈະ. ໂສ ພິກຂຸ ພິກຂູຫິ ເອວະມັດສະ ວະຈະນິໂຍ “ອາຍັສ໌ມາ ໂຂ ກຸລະທູສະໂກ ປາປາສະມາຈາໂຣ, ອາຍັສ໌ມະໂຕ ໂຂ ປາປະກາ ສະມາຈາຣາ ທິດສັນຕິ ເຈວະ ສຸຍຍັນຕິ ຈະ. ກຸລານິ ຈາຍັສ໌ມະຕາ ທຸດຖານິ ທິດສັນຕິ ເຈວະ ສຸຍຍັນຕິ ຈະ ປັກກະມະຕາຍັສ໌ມາ ອິມັມຫາ ອາວາສາ, ອະລັນເຕ ອິທະ ວາເສນາຕິ. ເອວັນຈະ ໂສ ພິກຂຸ ພິກຂູຫິ ວຸດຈະມາໂນ ເຕ ພິກຂູ ເອວັງ ວະໄທຍະ” ສັນທະຄາມິໂນ ຈະ ພິກຂູ, ໂທສະຄາມິໂນ ຈະ ພິກຂູ, ໂມຫະຄາມິໂນ ຈະ ພິກຂູ, ພະຍະຄາມິໂນ ຈະ ພິກຂູ, ຕາທິສິກາຍະ ອາປັດຕິຍາ ເອກັດຈັງ ປັບພາເຊນຕິ, ເອກັດຈັງ ນະ ປັບພາເຊນຕີຕິ. ໂສ ພິກຂຸ ພິກຂູຫິ ເອວະ ມັດສະ ວະຈະນີໂຍ “ມາ ອາຍັສ໌ມາ ເອວັງ ອະວະຈະ, ນະ ຈະ ພິກຂູ ສັນທະຄາມິໂນ, ນະ ຈະ ພິກຂູ ໂທສະຄາມິໂນ, ນະ ຈະ ພິກຂູ ໂມຫະຄາມິໂນ, ນະ ຈະ ພິກຂູ ພະຍະຄາມິໂນ, ອາຍັສ໌ມາ ໂຂ ກຸລະທູສູໂກ ປາປະສະມາຈາໂຣ, ອາຍັສ໌ມະໂຕ ໂຂ ປາປະກາສະມາຈາຣາ ທິດສັນຕິ ເຈວະ ສຸຍຍັນຕິ ຈະ, ກຸລານິ ຈາຍັສ໌ມະຕາ ທຸດຖານິ ທິດສັນຕິ ເຈວະ ສຸຍຍັນຕິ ຈະ, ປັກກະມະຕາ ຍັສ໌ມາ ອິມັມຫາ ອາວາສາ, ອະລັນເຕ ອິທະ ວາເສນາຕິ, ເອວັນຈະ ໂສ ພິກຂຸ ພິກຂູຫິ ວຸດຈະມາໂນ ຕະເຖວະ ປັກຄັນໄຫຍະ, ໂສ ພິກຂຸ ພິກຂູຫິ ຍາວະຕະຕິຍັງ ສະມານຸພາສິຕັບໂພ ຕັສສະ ປະຕິນິດສັກຄາຍະ, ຍາວະຕະຕິຍັນເຈ ສະມະນຸພາສິຍະມາໂນ ຕັງ ປະຕິນິດສັດໄຊຍະ, ອິດເຈຕັງ ກຸສະລັງ, ໂນ ເຈ ປະຕິນິດສັດໄຊຍະ, ສັງຄາທິເສໂສ.
ອຸດທິດຖາ ໂຂ ອາຍັສ໌ມັນໂຕ ເຕຣະສະ ສັງຄາທິເສສາ ທັມມາ. ນະວະ ປະຖະມາປັດຕິກາ, ຈັດຕາໂຣ ຍາວະຕະຕິຍະກາ, ເຍສັງ ພິກຂຸ ອັນຍະຕະຣັງ ວາ ອັນຍະຕະຣັງ ວາ ອາປັດຊິຕ໌ວາ ຍາວະຕິຫັງ ຊານັງ ປະຕິດສາເທຕິ, ຕາວະຕິຫັງ ເຕນະ ພິກຂຸນາ ອະກາມາ ປະຣິວັດຖັບພັງ, ປະຣິວຸດຖະປະຣິວາເສນະ ພິກຂຸນາ ອຸດຕະຣິງ ສາຣັດຕັງ ພິກຂຸມານັດຕາຍະປະຕິປັດຊິຕັບພັງ, ຈິນນະມານັດໂຕ ພິກຂຸ, ຍັດຖະ ສິຍາ ວິສະຕິຄະໂນ ພິກຂຸສັງໂຄ, ຕັດຖະ ໂສ ພິກຂຸ ອັບເພຕັບໂພ, ເອເກນະປິ ເຈ ອູໂນ ວີສະຕິຄະໂນ ພິກຂຸສັງໂຄ ຕັງ ພິກຂຸງ ອັບໄພຍະ, ໂສ ຈະ ພິກຂຸ ອະນັບພິໂຕ, ເຕ ຈະ ພິກຂູ ຄາໄຣຍະ ອະຍັງ ຕັດຖະ ສາມີຈິ.

  ຕັດຖາຍັສ໌ມັນເຕ ປຸດສາມິ. ກັດຈິດຖະ ປະຣິສຸດທາ?
ທຸຕິຍັມປິ ປຸດສາມິ. ກັດຈິດຖະ ປະຣິສຸດທາ?
ຕະຕິຍັມປິ ປຸດສາມິ. ກັດຈິດຖະ ປະຣິສຸດທາ?
ປະຣິສຸດທເທດຖາຍັສ໌ມັນໂຕ, ຕັສ໌ມາ ຕຸນຫີ, ເອວະເມຕັງ ທາຣະຍາມິ.

  ສັງຄາທິເສສຸດເທໂສ ນິດຖີໂຕ.

  ຍາຣິຍົດ 2

  ອິເມ ໂຂ ປະນາຍັສ໌ມັນໂຕ ເທ໌ວະ ອະນິຍະຕາ ທັມມາ ອຸດເທສັງ ອາຄັດສັນຕິ.

1. ໂຍ ປະນະ ພິກຂຸ ມາຕຸຄາເມນະ ສັດທິງ ເອໂກ ເອກາຍະ ຣະໂຫ ປະຕິດສັນເນ ອາສະເນ ອະລັງກັມມະນິເຍ ນິສັດຊັງ ກັບໄປຍະ, ຕະເມນັງ ສັດໄທຍະວະຈະສາ ອຸປສິກາ ທິສ໌ວາ ຕີນນັງ ທັມມານັງ ອັນຍະຕະເຣນະ ວະໄທຍະ ປາຣາຊິເກນະ ວາ ສັງຄາທິເສເສນະ ວາ ປາຈິດຕິເຍນະ ວາ, ນິສັດຊັງ ພິກຂຸ ປະຕິຊານະມາໂນ ຕິນນັງ ທັມມານັງ ອັນຍະຕະເຣນະ ກາເຣຕັບໂພ ປາຣາຊິເກນະ ວາ ສັງຄາທິເສເສນະ ວາ ປາຈິດຕິເຍນະ ວ່າ, ເຍນະ ວາ ສາ ສັດໄທຍະວະຈະສາ ອຸປາສິກາ ວະໄທຍະ, ເຕນະ ໂສ ພິກຂຸ ກາເຣຕັບໂພ. ອະຍັງ ທັມໂມ ອະນິຍະໂຕ.

2. ນະ ເຫວະ ໂຂ ປະນະ ປະຕິດສັນນັງ ອາສະນັງ ໂຫຕິ ນາລັງກັມມະນິຍັງ, ອະລັນຈະ ໂຂ ໂຫຕິ ມາຕຸຄາມັງ ທຸດຖຸນລາຫິ ວາຈາຫິ ໂອພາສິຕຸງ, ໂຍ ປະນະ ພິກຂຸ ຕະຖາຣູເປ ອາສະເນ ມາຕຸຄາເມນະສັດທິງ ເອໂກ ເອກາຍະ ຣະໂຫ ນິສັດຊັງ ກັບໄປຍະ, ຕະເມນັງ ສັດໄທຍະວະຈະສາ ອຸປາສິກາ ທິສ໌ວາ ທ໌ວິນນັງ ທັມມານັງ ອັນຍະຕະເຣນະ ວະໄທຍະ ສັງຄາທິເສເສນະ ວາ ປາຈິດຕິເຍນະ ວາ, ນິສັດຊັງ ພິກຂຸ ປະຕິຊານະມາໂນ ທ໌ວິນນັງ ທັມມານັງ ອັນຍະຕະເຣນະ ກາເຣຕັບໂພສັງຄາທິເສເສນະ ວາ ປາຈິດຕິເຍນະ ວາ, ເຍນະ ວາ ສາ ສັດໄທຍະ ວະຈະສາ ອຸປາສິກາ ວະໄທຍະ, ເຕນະ ໂສ ພິກຂຸ ກາເຣຕັບໂພ, ອະຍັມປິ ທັມໂມ ອະນິຍະໂຕ.

  ອຸດທິດຖາ ໂຂ ອາຍັສ໌ມັນໂຕ ເທ໌ວະ ອະນິຍະຕາ ທັມມາ.
ຕັດຖາຍັສ໌ມັນເຕ ປຸດສາມິ. ກັດຈິດຖະ ປະຣິສຸດທາ?
ທຸຕິຍັມປິ ປຸດສາມິ. ກັດຈິດຖະ ປະຣິສຸດທາ?
ຕະຕິຍັມປິ ປຸດສາມິ. ກັດຈິດຖະ ປະຣິສຸດທາ?
ປະຣິສຸດເທດຖາຍັສ໌ມັນໂຕ, ຕັສ໌ມາ ຕຸນ໌ຫິ ເອວະເມຕັງ ທາຣະຍາມິ.

  ອະນິຍະຕຸດເທໂສ ນິດຖິໂຕ.

ນິດສັກຄີຍ໌ ປາຈິດຕີຍ໌ 30

  ອິເມ ໂຂ ປະນາຍັສ໌ມັນໂຕ ຕິງສະ ນິດສັກຄິຍາ ປາຈິດຕິຍາ ທັມມາ ອຸດເທສັງ ອາຄັດສັນຕິ.

1. ນິດຖິຕະຈີວະຣັສ໌ມິງ ພິກຂຸນາ ອຸບພະຕັສ໌ມິງ ກະຖິເນ, ທະສາ ຫະປະຣະມັງ ອະຕິເຣກະຈີວະຣັງ ທາເຣຕັບພັງ, ຕັງ ອະຕິກກາມະຍະໂຕ, ນິດສັກຄິຍັງ ປາຈິດຕິຍັງ.

2. ນິດຖິຕະຈີວະຣັສ໌ມິງ ພິກຂຸນາ ອຸບພະຕັສ໌ມິງ ກະຖິເນ, ເອກະຣັດຕັມປິ ເຈ ພິກຂຸ ຕິຈີວະເຣນະ ວິບປະວະໄສຍະ, ອັນຍັຕ໌ຣະ ພິກຂຸສັມມະຕິຍາ, ນິດສັກຄິຍັງ ປາຈິດຕິຍັງ.

3. ນິດຖິຕະຈີວະຣັສ໌ມິງ ພິກຂຸນາ ອຸບພະຕັສ໌ມິງ ກະຖິເນ, ພິກຂຸໂນ ປະເນວະ ອະກາລະຈີວະຣັງ ອຸບປັດໄຊຍະ, ອາກັງຂະມາເນນະ ພິກຂຸນາ ປະຕິກຄະເຫຕັບພັງ, ປະຕິກຄະເຫຕ໌ວາ ຂິບປະເມວະ ກາເຣຕັບພັງ, ໂນ ຈັດສະ ປາຣິປູຣິ, ມາສະປະຣະມັນເຕນະ ພິກຂຸນາ ຕັງ ຈີວະຣັງ ນິກຂິປິຕັບພັງ ອູນັດສະ ປາຣິປູຣິຍາ ສະຕິຍາ ປັດຈາສາຍະ, ຕະໂຕ ເຈ ອຸດຕະຣິງ ນິກຂິໄປຍະ ສະຕິຍາປິ ປັດຈາສາຍະ, ນິດສັກຄິຍັງ ປາຈິດຕິຍັງ.

4. ໂຍ ປະນະ ພິກຂຸ ອັນຍາຕິກາຍະ ພິກຂຸນິຍາ ປຸຣານະຈີວະຣັງ ໂທວາໄປຍະ ວາ ຣະຊາໄປຍະ ວາ ອາໂກຕາໄປຍະ ວາ, , ນິດສັກຄິຍັງ ປາຈິດຕິຍັງ.

5. ໂຍ ປະນະ ພິກຂຸ ອັນຍາຕິກາຍະ ພິກຂຸນິຍາ ຫັດຖະໂຕ ຈີວະຣັງ ປະຕິກຄັນໄຫຍະ ອັນຍັຕ໌ຣະ ປາຣິວັດຕະກາ, ນິດສັກຄິຍັງ ປາຈິດຕິຍັງ.

6. ໂຍ ປະນະ ພິກຂຸ ອັນຍາຕະກັງ ຄະຫະປະຕິງ ວາ ຄະຫະ ປະຕານິງ ວາ ຈີວະຣັງ ວີນຍາໄປຍະ ອັນຍັຕ໌ຣະ ສະມະຍາ, ນິດສັກຄິຍັງ ປາຈິດຕິຍັງ. ຕັດຖາຍັງ ສະມາໂຍ. ອັດສີນນະຈີວະໂຣ ວາ ໂຫຕິ ພິກຂຸ ນັດຖະຈີວະໂຣ ວາ, ອະຍັງ ຕັດຖະ ສະມະໂຍ.

7. ຕັນເຈ ອັນຍາຕະໂກ ຄະຫະປະຕິ ວາ ຄະຫະປະຕານີ ວາ ພະຫູຫິ ຈີວະເຣຫິ ອະພິຫັດຖຸມປະວາໄຣຍະ, ສັນຕະຣຸດຕະຣະປະຣະມັນ ເຕນະ ພິກຂຸນາ ຕະໂຕ ຈີວະຣັງ ສາທິຕັບພັງ, ຕະໂຕ ເຈ ອຸດຕະຣິງ ສາທິໄຍຍະ, ນິດສັກຄິຍັງ ປາຈິດຕິຍັງ.

8. ພິກຂຸງ ປະເນວະ ອຸດທິດສະ ອັນຍາຕະກັດສະ ຄະຫະ ປະຕິດສະ ວາ ຄະຫະປະຕານິຍາ ວາ ຈີວະຣະເຈຕາປະນັງ ອຸປັກຂະດັງ ໂຫຕິ “ອິມິນາ ຈີວະຣະເຈຕາປະເນນະ ຈີວະຣັງ ເຈຕາເປຕ໌ວາ ອິດຖັນ ນາມັງ ພິກຂຸງ ຈີວະເຣນະ ອັດສາເທດສາມີຕິ, ຕັຕ໌ຣະ ເຈ ໂສ ພິກຂຸ ປຸບເພ ອັບປະວາຣິໂຕ ອຸປະສັງກະມິຕ໌ວາ ຈີວະເຣ ວິກັບປັງ ອາປັດໄຊຍະ” ສາທຸ ວາຕະ ມັງ ອາຍັສ໌ມາ ອິມິນາ ຈີວະຣະເຈຕາປະເນນະ ເອວະຣູປັງ ວາ ເອວະຣູປັງ ວາ ຈີວະຣັງ ເຈຕາເປຕ໌ວາ ອັດສາເທຫີຕິ ກັນລະຍາກັມມະຍະຕັງ ອຸປາທາຍະ, ນິດສັກຄິຍັງ ປາຈິດຕິຍັງ.

9. ພິກຂຸງ ປະເນວະ ອຸດທິດສະ ອຸພີນນັງ ອັນຍາຕະການັງ ຄະຫະປະຕີນັງ ວາ ຄະຫະປະຕານີນັງ ວາ ປັດເຈກະຈີວະຣະເຈຕາປະນາ ອຸປັກຂະຕາ ໂຫນຕິ “ອິເມຫິ ມະຍັງ ປັດເຈກະຈີວະຣະເຈຕາປະເນຫິ ປັດເຈກະຈີວະຣານິ ເຈຕາເປຕ໌ວາ ອິດຖັນນາມັງ ພິກຂຸງ ຈີວະເຣຫິ ອັດສາ ເທດສາມາຕິ, ຕັຕ໌ຣະ ເຈ ໂສ ພິກຂຸ ປຸບເພ ອັບປະວາຣິໂຕ ອຸປະສັງກະມິຕ໌ວາຈີວະເຣ ວິກັບປັງ ອາປັດໄຊຍະ” ສາທຸ ວະຕະ ມັງ ອາຍັສ໌ມັນໂຕ ອິເມຫິ ປັດເຈກະຈີວະຣະເຈຕາປະເນຫິ ເອວະຣູປັງ ວາ ເອວະຣູປັງ ວາ ຈີວະຣັງ ເຈຕາເປຕ໌ວາ ອັດສາເທຖະ ອຸໂພ ວະ ສັນຕາ ເອເກນາຕິ ກັນລະຍານະ ກັມມະຍະຕັງ ອຸປາທາຍະ, ນິດສັກຄິຍັງ ປາຈິດຕິຍັງ.

10. ພິກຂຸງ ປະເນວະ ອຸດທິດສະ ຣາຊາ ວາ ຣາຊະໂພກໂຄ ວາ ພຣາຫມະໂນ ວາ ຄະຫະປະຕິໂກ ວາ ທູເຕນະ ຈີວະຣະເຈຕາປະນັງ ປະຫິໄນຍະ “ອິມິນາ ຈີວະຣະເຈຕາປະເນນະ ຈີວະຣັງ ເຈຕາເປຕ໌ວາ ອິດຖັນນາມັງ ພິກຂຸງ ຈີວະເຣນະ ອັດສາເທຫີຕີ, ໂສ ເຈ ທູໂຕ ຕັງ ພິກຂຸງ ອຸປະສັງກະມິຕ໌ວາ ເອວັງ ວະໄທຍະ” ອິທັງ ໂຂ ພັນເຕ ອາຍັສ໌ມັນຕັງ ອຸດທິດສະ ຈີວະຣະເຈຕາປະນັງ ອາພະຕັງ, ປະຕິດຄັນຫາຕຸ ອາຍັສ໌ມາ ຈີວະຣະເຈຕາປະນັນຕິ, ເຕນະ ພິກຂຸນາ ໂສ ທູໂຕ ເອວະມັດສະ ວະຈະນີໂຍ “ນະ ໂຂ ມະຍັງ ອາວຸໂສ ຈີວະຣະເຈຕາປະນັງ ປະຕິກຄັນຫາມະ, ຈີວະຣັນຈະ ໂຂ ມະຍັງ ປະຕິກຄັນຫາມະ ກາເລນະ ກັບປິຍັນຕິ, ໂສ ເຈ ທູໂຕ ຕັງ ພິກຂຸງ ເອວັງ ວະໄທຍະ” ອັດຖິ ປະນາຍັສ໌ມະໂຕ ໂກຈິ ໄວຍາວັດຈະກະໂຣຕິ, ຈີວະຣັດຖິເກນະ ພິກຂະເວ ພິກຂຸນາ ໄວຍາວັດຈະ ກະໂຣ ນິດທິສິຕັບໂພ ອາຣາມິໂກ ວາ ອຸປາສະໂກ ວາ “ເອໂສ ໂຂ ອາວຸໂສ ພິກຂູນັງ ໄວຍາວັດຈະກະໂຣຕິ, ໂສ ເຈ ທູໂຕ ຕັງ ໄວຍາວັດຈະກະຣັງ ສັນຍາເປຕ໌ວາ ຕັງ ພິກຂຸງ ອຸປະສັງກະມິຕ໌ວາ ເອວັງ ວະໄທຍະ” ຍັງ ໂຂ ພັນເຕ ອາຍັສ໌ມາ ໄວຍາວັດຈະກະຣັງ ນິດທິສິ, ສັນຍັດໂຕ ໂສ ມະຍາ, ອຸປະສັງກະມະຕຸ ອາຍັສ໌ມາ ກາເລນະ ຈີວະເຣນະ ຕັງ ອັດສາ ເທດສະຕີຕິ ຈີວະຣັດຖິເກນະ ພິກຂະເວ ພິກຂຸນາ ໄວຍາວັດຈະກະໂຣ ອຸປະສັງກະມິຕ໌ວາ ທ໌ວິດຕິກຂັດຕຸງ ໂຈເທຕັບໂພ ສາເຣຕັບໂພ “ອັດໂຖ ເມ ອາວຸໂສ ຈີວະເຣນາຕິ, ທ໌ວິດຕິກຂັດຕຸງ ໂຈທະຍະມາໂນ ສາຣະ ຍະມາໂນ ຕັງ ຈີວະຣັງ ອະພິນິບຜາໄທຍະ, ອິດເຈຕັງ ກຸສະລັງ, ໂນ ເຈ ອະພິນິບຜາໄທຍະ, ຈະຕຸກຂັດຕຸງ ປັນຈັກຂັດຕຸງ ສັກຂັດຕຸປະຣະມັງ ຕຸນຫິພູເຕນະ ອຸດທິດສະ ຖາຕັບພັງ, ຈະຕຸກຂັດຕຸງ ປັນຈັກຂັດຕຸງ ສັກຂັດຕຸປະຣະມັງ ຕຸນຫີພູໂຕ ອຸດທິດສະ ຕິດຖະມາໂນ ຕັງ ຈີວະຣັງ ອະພິນິບຜາໄທຍະ, ອິດເຈຕັງ ກຸສະລັງ, ໂນ ເຈ ອະພິນິບຜາໄທຍະ, ຕະໂຕ ເຈ ອຸດຕະຣິງ ວາຍະມະມາໂນ ຕັງ ຈີວະຣັງ ອະພິນິບຜາໄທຍະ, ນິດສັກຄິຍັງ ປາຈິດຕິຍັງ, ໂນ ເຈ ອະພິນິບຜາໄທຍະ, ຍະຕັດສະ ຈີວະຣະເຈຕາປະນັງ ອາພະຕັງ, ຕັດຖະ ສາມັງ ວາ ຄັນຕັບພັງ, ທູໂຕ ວາ ປາເຫຕັບໂພ” ຍັງ ໂຂ ຕຸມເຫ ອາຍັສ໌ມັນໂຕ ພິກຂຸງ ອຸດທິດສະ ຈີວະຣະເຈຕາປະນັງ ປະຫິນິດຖະ, ນະ ຕັນຕັດສະ ພິກຂຸໂນ ກີນຈິ ອັດຖັງ ອະນຸໂພຕິ, ຍຸນຊັນຕາຍັສ໌ມັນໂຕ ສະກັງ, ມາ ໂວ ສະກັງ ວິນັດສີຕິ. ອະຍັງ ຕັດຖະ ສາມີຈິ.

  ຈີວະຣະວັກໂຄ ປະຖະໂມ.

11. ໂຍ ປະນະ ພິກຂຸ ໂກສິຍະມິດສະກັງ ສັນຖະຕັງ ກາຣາໄປຍະ, ນິດສັກຄິຍັງ ປາຈິດຕິຍັງ.

12. ໂຍ ປະນະ ພິກຂຸ ສຸດທະກາລະການັງ ເອລະກະໂລມານັງ ສັນຖະຕັງ ກາຣາໄປຍະ, ນິດສັກຄິຍັງ ປາຈິດຕິຍັງ.

13. ນະວັມປະນະ ພິກຂຸນາ ສັນຖະຕັງ ກາຣະຍະມາເນນະ ເທ໌ວາ ພາຄາ ສຸດທະກາລະການັງ ເອລະກະໂລມານັງ ອາທາຕັບພາ, ຕະຕິຍັງ ໂອທາຕານັງ, ຈະຕຸດຖັງ ໂຄຈະຣິຍານັງ, ອະນາທາ ເຈ ພິກຂຸ ເທ໌ວະ ພາເຄ ສຸດທະກາລະການັງ ເອລະກະໂລມານັງ ຕະຕິຍັງ ໂອທາຕານັງ ຈະຕຸດຖັງ ໂຄຈະຣິຍານັງ ນະວັງສັນຖະຕັງ ກາຣາໄປຍະ, ນິດສັກຄິຍັງ ປາຈິດຕິຍັງ.

14. ນະວັມປະນະ ພິກຂຸນາ ສັນຖະຕັງ ກາຣາເປຕ໌ວາ ສັບພັດສານິ ທາເຣຕັບພັງ. ໂອເຣນະ ເຈ ສັນນັງ ວັດສານັງ ຕັງ ສັນຖະຕັງ ວິດສັດ ເຊຕ໌ວາ ວາ ອະວິດສັດເຊຕ໌ວາ ວາ ອັນຍັງ ນະວັງ ສັນຖະຕັງ ກາຣາໄປຍະ ອັນຍັຕ໌ຣະ ພິກຂຸສັມມະຕິຍາ, ນິດສັກຄິຍັງ ປາຈິດຕິຍັງ.

15. ນິສີທະນະສັນຖະຕັມປະນະ ພິກຂຸນາ ກາຣະຍະມາເນນະ ປຸຣານະສັນຖະຕັດສະ ສາມັນຕາ ສຸຄະຕະວິທັດຖິ ອາທາຕັບພາ ທຸບພັນນະກະຣະນາຍະ, ອະນາທາ ເຈ ພິກຂຸ ປຸຣານະສັນຖະຕັດສະ ສາມັນຕາ ສຸຄະຕະວິທັດຖິງ ນະວັງ ນິສີທະນະສັນຖະຕັງ ກາຣາໄປຍະ, ນິດສັກຄິຍັງ ປາຈິດຕິຍັງ.

16. ພິກຂຸໂນ ປະເນວະ ອັດທານະມັກຄະປະຕິປັນນັດສະ ເອລະກະໂລມານິ ອຸບປັດໄຊຍຸງ, ອາກັງຂະມາເນນະ ພິກຂຸນາ ປະຕິກ ຄະເຫຕັບພານິ, ປະຕິກຄະເຫຕ໌ວາ ຕິໂຍຊະນະປະຣະມັງ ສະຫັດຖາ ຫາເຣຕັບພານິ, ອະສັນເຕ ຫາຣະເກ, ຕະໂຕ ເຈ ອຸດຕະຣິງ ຫະໄຣຍະ ອະສັນເຕປິ ຫາຣະເກ, ນິດສັກຄິຍັງ ປາຈິດຕິຍັງ.

17. ໂຍ ປະນະ ພິກຂຸ ອັນຍາຕິກາຍະ ພິກຂຸນິຍາ ເອລະກະໂລມານິ ໂທວາໄປຍະ ວາ ຣະຊາໄປຍະ ວາ ວິຊະຕາໄປຍະ ວາ, ນິດສັກຄິຍັງ ປາຈິດຕິຍັງ.

18. ໂຍ ປະນະ ພິກຂຸ ຊາຕະຣູປະຣະຊະຕັງ ອຸກຄັນໄຫຍະ ວາ ອຸກຄັນຫາໄປຍະ ວາ ອຸປະນິກຂິດຕັງ ວາ ສາທິໄຍຍະ, ນິດສັກຄິຍັງ ປາຈິດຕິຍັງ.

19. ໂຍ ປະນະ ພິກຂຸ ນານັບປະກາຣະກັງ ຣູປິຍະສັງໂວຫາຣັງ ສະມາປັດໄຊຍະ, ນິດສັກຄິຍັງ ປາຈິດຕິຍັງ.

20. ໂຍ ປະນະ ພິກຂຸ ນານັບປະກາຣະກັງ ກະຍະວິກກະຍັງ ສະມາປັດໄຊຍະ, ນິດສັກຄິຍັງ ປາຈິດຕິຍັງ.

  ໂກສິຍະວັກໂຄ ທຸຕິໂຍ.

21. ທະສາຫະປະຣະມັງ ອະຕິເຣກະປັດໂຕ ທາເຣຕັບໂພ, ຕັງ ອະຕິກກາມະຍະໂຕ, ນິດສັກຄິຍັງ ປາຈິດຕິຍັງ.

22. ໂຍ ປະນະ ພິກຂຸ ອູນະປັນຈະພັນທະເນນະ ປັດເຕນະ ອັນຍັງ ນະວັງ ປັດຕັງ ເຈຕາໄປຍະ, ນິດສັກຄິຍັງ ປາຈິດຕິຍັງ. ເຕນະ ພິກຂຸນາ ໂສປັດໂຕ ພິກຂຸ ປະຣິສາຍະ ນິດສັດຊິຕັບໂພ, ໂຍ ຈະ ຕັດສາ ພິກຂຸ ປະຣິສາຍະ ປັດຕະຣິຍັນໂຕ, ໂສ ຈະ ຕັດສະ ພິກຂຸໂນ ປະທາ ຕັບໂພ “ອະຍັນເຕ ພິກຂຸ ປັດໂຕ, ຍາວະ ເພທະນາຍະ ທາເຣຕັບໂພຕິ. ອະຍັງ ຕັດຖະ ສາມີຈິ.

23. ຍານິ ໂຂ ປະນະ ຕານິ ຄິລານານັງ ພິກຂູນັງ ປະຕິສາຍະ ນີຍານິ ເພສັດຊານິ, ໄສຍະຖີທັງ, ສັບປິ ນະວະນີຕັງ ເຕລັງ ມະທຸຜາ ນິຕັງ, ຕານິ ປະຕິກຄະເຫຕ໌ວາ ສັດຕາຫະປະຣະມັງ ສັນນິທິກາຣະກັງ ປະຣິພຸນຊິຕັບພານິ, ຕັງ ອະຕິກກາມະຍະໂຕ ນິດສັກຄິຍັງ ປາຈິດຕິຍັງ.

24. “ມາໂສ ເສໂສ ຄິມຫານັນຕິ ພິກຂຸນາ ວັດສິກະສາຕິ ກະຈີວະຣັງ ປະຣະເຍສິຕັບພັງ,” ອັດທະມາໂສ ເສໂສ ຄິມຫານັນຕິ ກັຕ໌ວາ ນິວາເສຕັບພັງ, “ໂອເຣນະ ເຈ ມາໂສ ເສໂສ ຄິມຫານັນຕິ ວັດສິກະສາຕິກະຈີວະຣັງ ປະຣິເຍໄສຍະ.” ໂອເຣນັດທະມາໂສ ເສໂສ ຄິມຫານັນຕິ ກັຕ໌ວາ ນິວາໄສຍະ, ນິດສັກຄິຍັງ ປາຈິດຕິຍັງ.

25. ໂຍ ປະນະ ພິກຂຸ ພິກຂຸດສະ ສາມັງ ຈີວະຣັງ ທັຕ໌ວາ ກຸປິໂຕ ອະນັດຕະມະໂນ ອັດສີນໄທຍະ ວາ ອັດສີນທາໄປຍະ ວາ , ນິດສັກຄິຍັງ ປາຈິດຕິຍັງ.

26. ໂຍ ປະນະ ພິກຂຸ ສາມັງ ສຸດຕັງ ວິນຍາເປຕ໌ວາ ຕັນຕະ ວາເຍຫິ ຈີວະຣັງ ວາຍາໄປຍະ, ນິດສັກຄິຍັງ ປາຈິດຕິຍັງ.

27. ພິກຂຸງ ປະເນວະ ອຸດທິດສະ ອັນຍາຕະໂກ ຄະຫະປະຕິ ວາ ຄະຫະປະຕານີ ວາ ຕັນຕະວາເຍຫິ ຈີວະຣັງ ວາຍາໄປຍະ, ຕັຕ໌ຣະ ເຈ ໂສ ພິກຂຸ ປຸບເພ ອັບປະວາຣິໂຕ ຕັນຕະວາເຍ ອຸປະສັງກະມິຕ໌ວາ ຈີວະເຣ ວິກັບປັງ ອາປັດໄຊຍະ “ອິທັງ ໂຂ ອາວຸໂສ ຈີວະຣັງ ມັງ ອຸດທິດສະ ວີຍະຕິ, ອາຍະຕັນຈະ ກະໂຣຖະ, ວິດຖະຕັນຈະ ອັບປິຕັນຈະ ສຸວິຕັນຈະ ສຸປະວາຍິຕັນຈະ ສຸວິເລກຂິຕັນຈະ ສຸວິຕັດສິຕັນຈະ ກະໂຣຖະ, ອັບເປວະ ນາມະ ມະຍັມປິ ອາຍັສ໌ມັນຕານັງ ກິນຈິມັດຕັງ ອະນຸປະທັດໄຊຍາມາຕິ, ເອວັນຈະ ໂສ ພິກຂຸ ວັຕ໌ວາ ກິນຈິມັດຕັງ ອະນຸປະທັດໄຊຍະ ອັນຕະ ມະໂສ ປິນດະປາຕະມັດຕຳປິ, ນິດສິກຄິຍັງ ປາຈິດຕິຍັງ.

28. ທະສາຫານະຄະຕັງ ກັດຕິກະເຕມາສິປຸນນະມັງ, ພິກຂຸໂນ ປະເນວະ ອັດເຈກະຈີວະຣັງ ອຸບປັດໄຊຍະ, ອັດເຈກັງ ມັນຍະມາເນນະ ພິກຂຸນາ ປະຕິກຄະເຫຕັບພັງ, ປະຕິກຄະເຫຕ໌ວາ ຍາວະຈີວະຣະກາລະ ສະມະຍັງ ນິກຂິປິຕັບພັງ, ຕະໂຕ ເຈ ອຸດຕະຣິງ ນິກຂິໄປຍະ, ນິດສັກຄິຍັງ ປາຈິດຕິດຍັງ.
29. ອຸປະວັດສັງ ໂຂ ປະນະ ກັດຕິກະປຸນນະມັງ, ຍານິ ໂຂ ປະນະ ຕານິ ອາຣັນຍະການິ ເສນາສະນານິ ສາສັງກະສັມມະຕານິ ສັບປະຕິພະຍານິ, ຕະຖາຣູເປສຸ ພິກຂຸ ເສນາສະເນສຸ ວິຫະຣັນໂຕ ອາກັງຂະມາໂນ ຕີນນັງ ຈີວະຣານັງ ອັນຍະຕະຣັງ ຈີວະຣັງ ອັນຕະຣະຄະເຣ ນິກຂິໄປຍະ, ສິຍາ ຈະ ຕັດສະ ພິກຂຸໂນ ໂກຈິເທວະ ປັດຈະໂຍ ເຕນະ ຈີວະເຣນະ ວິບປະວາສາຍະ, ສາຣັດຕະປະຣະມັນເຕນະ ພິກຂຸນາເຕນະ ຈີວະເຣນະ ວິບປະວະສິຕັບພັງ, ຕະໂຕ ເຈ ອຸດຕະຣິງ ວິບປະວະໄສຍະ ອັນຍັຕ໌ຣະ ພິກຂຸ ສັມມາຕິຍາ, ນິດສັກຄິຍັງ ປາຈິດຕິຍັງ.

30. ໂຍ ປະນະ ພິກຂຸ ຊານັງ ສັງຄິກັງ ລາພັງ ປະຣິນະຕັງ ອັດຕະໂນ ປະຣິນາໄມຍະ, ນິດສັກຄິຍັງ ປາຈິດຕິຍັງ.

  ປັດຕະວັກໂຄ ຕະຕິໂຍ.
ອຸດທິດຖາ ໂຂ ອາຍັສ໌ມັນໂຕ ຕິງສະ ນິດສັກຄິຍາ ປາຈິດຕິຍາ ທັມມາ.
ຕັດຖາຍັສ໌ມັນເຕ ປຸດສາມິ. ກັດຈິດຖະ ປະຣິສຸດທາ?
ທຸຕິຍັມປິ ປຸດສາມິ. ກັດຈິດຖະ ປະຣິສຸດທາ?
ຕະຕະຍັມປິ ປຸດສາມິ. ກັດຈິດຖະ ປະຣິສຸດທາ?
ປະຣິສຸດເທດຖາຍັສ໌ມັນໂຕ ຕັສ໌ມາ ຕຸນຫິ, ເອວະເມຕັງ ທາຣະຍາມິ.

  ນິດສັກຄິຍາ ປາຈິດຕິຍາ ທັມມາ ນິດຖິຕາ

ປາຈິດຕີ 92

  ອິເມໂຂ ປະນາຍັສ໌ມັນໂຕ ເທ໌ວນະວຸຕິ ປາຈິດຕິຍາ ທັມມາ ອຸດເທສັງ ອາຄັດສັນຕິ.

1. ສັມປະຊານະມຸສາວາເທ ປາຈິດຕິຍັງ.

2. ໂອມະສະວາເທ ປາຈິດຕິຍັງ.

3. ພິກຂຸເປສຸນເຍ ປາຈິດຕິຍັງ.

4. ໂຍ ປະນະ ພິກຂຸ ອະນຸປະສັມປັນນັງ ປະທະໂສ ທັມມັງ ວາໄຈຍະ, ປາຈິດຕິຍັງ.

5. ໂຍ ປະນະ ພິກຂຸ ອະນຸປະສັມປັນເນນະ ອຸດຕະຣິທ໌ວິ ຣັດຕະຕິຣັດຕັງ ສະຫະໄສຍັງ ກັບໄປຍະ, ປາຈິດຕິຍັງ.

6. ໂຍ ປະນະ ພິກຂຸ ມາຕຸຄາເມນະ ສະຫະໄສຍັງ ກັບໄປຍະ, ປາຈິດຕິຍັງ.

7. ໂຍ ປະນະ ພິກຂຸ ມາຕຸຄາມັດສະ ອຸດຕະຣິສັບປັນຈະວາຈາຫິ ທັມມັງ ເທໄສຍະ ອັນຍັຕ໌ຣະ ວິນຍຸນາ ປຸຣິສະວິກຄະເຫນະ, ປາຈິດຕິຍັງ.

8. ໂຍ ປະນະ ພິກຂຸ ອະນຸປະສັມປັນນັດສະ ອຸດຕະຣິມະນຸດ ສະທັມມັງ ອາໂຣໄຈຍະ, ພູຕັສ໌ມິງ ປາຈິດຕິຍັງ.

9. ໂຍ ປະນະ ພິກຂຸ ພິກຂຸດສະ ທຸດຖຸນລັງ ອາປັດຕິງ ອະນຸປະສັມປັນນັດສະ ອາໂຣໄຈຍະ ອັນຍັຕ໌ຣະ ພິກຂຸສັມມະຕິຍາ, ປາຈິດຕິຍັງ.

10. ໂຍ ປະນະ ພິກຂຸ ປະຖະວິງ ຂະໄນຍະ ວາ ຂະນາໄປຍະ ວາ, ປາຈິດຕິຍັງ.

  ມຸສາວາທະວັກໂຄ ປະຖະໂມ.

11. ພູຕະຄາມະປາຕັພ໌ຍະຕາຍະ ປາຈິດຕິຍັງ.

12. ອັນຍະວາທະເກ ວິເຫສະເກ ປາຈິດຕິຍັງ.

13. ອຸດຊາປະນະເກ ຂິຍະນະເກ ປາຈິດຕິຍັງ.

14. ໂຍ ປະນະ ພິກຂຸ ສັງຄິກັງ ມັນຈັງ ວາ ປິຖັງ ວາ ພິສິງ ວາ ໂກຈສັງ ວາ ອັດໂຊກາເສ ສັນຖະຣິຕ໌ວາ ວາ ສັນຖາຣາເປຕ໌ວາ ວາ, ຕັງ ປັກກະມັນໂຕ ເນວະ ອຸດທະໄລຍະ ນະ ອຸດທະຣາໄປຍະ ອະນາປຸດສັງ ວາ ຄັດໄສຍະ, ປາຈິດຕິຍັງ.

15. ໂຍ ປະນະ ພິກຂຸ ສັງຄິເກ ວິຫາເຣ ໄສຍັງ ສັນຖະຣິຕ໌ວາ ວາ ສັນຖະຣາເປຕ໌ວາ ວາ ຕັງປັກກະມັນໂຕ ເນວະ ອຸດທະໄຣຍະ ນະ ອຸດທະຣາໄປຍະ ອະນາປຸດສັງ ວາ ຄັດໄສຍະ, ປາຈິດຕິຍັງ.

16. ໂຍ ປະນະ ພິກຂຸ ສັງຄິເກ ວິຫາເຣ ຊານັງ ປຸບພູປະຄະຕັງ ພິກຂຸງ ອະນູປະຂັດຊະ ໄສຍັງ ກັບໄປຍະ “ຍັດສະ ສັມພາໂທ ພະວິດສະຕິ, ໂສປັກກະມິດສະຕິຕິ ເອຕະເທວະ ປັດຈະຍັງ ກະຣິຕ໌ວາ ອະນັນຍັງ, ປາຈິດຕິຍັງ.

17. ໂຍ ປະນະ ພິກຂຸ ພິກຂຸງ ກຸປິໂຕ ອະນັດຕະມະໂນ ສັງຄິກາ ວິຫາຣາ ນິກກັດໄທຍະ ວາ ນິກກັດຖາໄປຍະ ວາ, ປາຈິດຕິຍັງ.

18. ໂຍ ປະນະ ພິກຂຸ ສັງຄິເກ ວິຫາເຣ ອຸປະຣິ ເວຫາສະກຸຕິຍາ ອາຫັດຈະປາທະກັງ ມັນຈັງ ວາ ປີຖັງ ວາ ອະພິນິສີໄທຍະ ວາ ອະພິນິ ປັດໄຊຍະ ວາ, ປາຈິດຕິຍັງ.

19. ມະຫັນລະກັມປະນະ ພິກຂຸນາ ວິຫາຣັງ ກາຣະຍະມາເນນະ ຍາວະ ທ໌ວາຣະໂກສາ ອັກຄະລັດຖະປະນາຍະ ອາໂລກະສັນທິປະຣິກັມມາຍະ ທ໌ວິດຕິດສະທະນັດສະ ປະຣິຍາຍັງ ອັບປະຫະຣິເຕ ຖິເຕນະ ອະທິດຖາຕັບພັງ, ຕະໂຕ ເຈ ອຸດຕະຣິງ ອັບປະຫະຣິເຕປິ ຖິໂຕ ອະທິດຖະໄຫຍະ, ປາຈິດຕິຍັງ.

20. ໂຍ ປະນະ ພິກຂຸ ຊານັງ ສັບປານະກັງ ອຸທະກັງ ຕິນັງ ວາ ມັດຕິກັງ ວາ ສີນໄຈຍະ ວາ ສີນຈາໄປຍະ ວາ,ປາຈິດຕິຍັງ.

  ພູຕະຄາມະວັກໂຄ ທຸຕິໂຍ

21. ໂຍ ປະນະ ພິກຂຸ ອະສັມມະໂຕ ພິກຂຸນິໂຍ ໂອວະໄທຍະ, ປາຈິດຕິຍັງ.

22. ສັມມະໂຕປິ ເຈ ພິກຂຸ ອັດຖັງຄະເຕ ສຸຣິເຍ ພິກຂຸນິໂຍ ໂອວະໄທຍະ, ປາຈິດຕິຍັງ.

23. ໂຍ ປະນະ ພິກຂຸ ພິກຂຸນູປັດສະຍັງ ອຸປະສັງກະມິຕ໌ວາ ພິກຂຸນິໂຍ ໂອວະໄທຍະ, ອັນຍັຕ໌ຣະ ສະມະຍາ, ປາຈິດຕິຍັງ. ຕັດຖາຍັງ ສະມະໂຍ, ຄິລານາ ໂຫຕິ ພິກຂຸນີ, ອະຍັງ ຕັດຖະ ສະມະໂຍ.

24. ໂຍ ປະນະ ພິກຂຸ ເອວັງ ວະໄທຍະ “ອາມິສະເຫຕຸ ພິກຂູ ພິກຂຸນິໂຍ ໂອວະທັນຕີຕິ, ປາຈິດຕິຍັງ.

25. ໂຍ ປະນະ ພິກຂຸ ອັນຍາຕິກາຍະ ພິກຂຸນິຍາ ຈີວະຣັງ ທະໄທຍະ ອັນຍັຕ໌ຣະ ປາຣິວັດຖະກາ,ປາຈິດຕິຍັງ.

26. ໂຍ ປະນະ ພິກຂຸ ອັນຍາຕິກາຍະ ພິກຂຸນິຍາ ຈີວະຣັງ ສິບ ໄພຍະວາ ສິບພາໄປຍະ ວາ, ປາຈິດຕິຍັງ.

27. ໂຍ ປະນະ ພິກຂຸ ພິກຂຸນິຍາ ສັດທິງ ສັງວິທາຍະ ເອກັດທາ ນະມັກຄັງ ປະຕິປັດໄຊຍະ ອັນຕະມະໂສ ຄາມັນຕະຣັມປິ ອັນຍັຕ໌ຣະ ສະມະຍາ, ປາຈິດຕິຍັງ. ຕັດຖາຍັງ ສະມະໂຍ. ສັດຖະຄະມະນີໂຍ ໂຫຕິ ມັກໂຄ ສາສັງກະສັມມະໂຕ ສັບປະຕິພະໂຍ, ອະຍັງ ຕັດຖະ ສະມະໂຍ.

28. ໂຍ ປະນະ ພິກຂຸ ພິກຂຸນິຍາ ສັດທິງ ສັງວິທາຍະ ເອກະນາວັງ ອະພິຣູໄຫຍະ ອຸດທະຄາມິນິງ ວາ ອະໂທຄາມິນິງ ວາ ອັນຍັຕ໌ຣະ ຕິຣິຍັນ ຕະຣະນາຍະ, ປາຈິດຕິຍັງ.

29. ໂຍ ປະນະ ພິກຂຸ ຊານັງ ພິກຂຸນີປະຣິປາຈິຕັງ ປິນດະປາຕັງ ພຸນໄຊຍະ ອັນຍັຕ໌ຣະ ປຸບເພ ຄິຫິສະມາຣັມພາ, ປາຈິດຕິຍັງ.

30. ໂຍ ປະນະ ພິກຂຸ ພິກຂຸນິຍາ ສັດທິງ ເອໂກ ເອກາຍະ ຣະໂຫ ນິສັດຊັງ ກັບໄປຍະ, ປາຈິດຕິຍັງ.

  ໂອວາທະວັກໂຄ ຕະຕິໂຍ.

31. ອະຄິລາເນນະ ພິກຂຸນາ ເອໂກ ອາວະສະຖະປິນໂດ ພຸນຊິຕັບໂພ, ຕະໂຕ ເຈ ອຸດຕະຣິງ ພຸນໄຊຍະ, ປາຈິດຕິຍັງ.

32. ຄະນະໂພຊະເນ ອັນຍັຕ໌ຣະ ສະມະຍາ, ປາຈິດຕິຍັງ, ຕັດຖາຍັງ ສະມະໂຍ ຄິລານະສະມະໂຍ ຈີວະຣະທານະສະມະໂຍ ຈີວະຣະກາຣະສະມະໂຍ ອັດທານະຄະມະນະສະມະໂຍ ນາວາພິຣູຫະນະສະມະໂຍ ມະຫາສະມະໂຍ ສະມະນະພັດຕະສະມະໂຍ, ອະຍັງຕັດຖະ ສະມະໂຍ.

33. ປະຣັມປະຣະໂພຊະເນ ອັນຍັຕ໌ຣະ ສະມະຍາ ປາຈິດຕິຍັງ. ຕັດຖາຍັງ ສະມະໂຍ. ຄິລານະສະມະໂຍ ຈີວະຣະທານະສະມະໂຍ ຈີວະຣະ ກາຣະສະມະໂຍ, ອະຍັງ ຕັດຖະ ສະມະໂຍ.

34. ພິກຂຸງ ປະເນວະ ກຸລັງ ອຸປະຄະຕັງ ປູເວຫິ ວາ ມັນເຖຫິ ວາ ອະພິຫັດຖຸມປະວາໄລຍະ, ອາກັງຂະມາເນນະ ພິກຂຸນາ ທ໌ວິດຕິ ປັດຕະປູຣາ ປະຕິກຄະເຫຕັບພາ, ຕະໂຕ ເຈ ອຸດຕະຣິງ ປະຕິກຄັນໄຫຍະ, ປາຈິດຕິຍັງ. ທ໌ວິດຕິປັດຕະປູເຣ ປະຕິກຄະເຫຕ໌ວາ ຕະໂຕ ນິຫະຣິຕ໌ວາ ພິກຂູຫິ ສັດທິງ ສັງວິພະຊິຕັບພັງ. ອະຍັງ ຕັດຖະ ສາມີຈິ.

35. ໂຍ ປະນະ ພິກຂຸ ພຸດຕາວີ ປະວາຣິໂຕ ອະນະຕິຣິດຕັງ ຂາທະນີຍັງ ວາ ໂພຊະນີຍັງ ວາ ຂາໄທຍະວາ ພຸນໄຊຍະ ວາ, ປາຈິດຕິຍັງ.

36. ໂຍ ປະນະ ພິກຂຸ ພິກຂຸງ ພຸດຕາວິງ ປະວາຣິຕັງ ອະນະຕິ ຣິດເຕນະ ຂາທະນີເຍນະ ວາ ໂພຊະນີໄຍນະວາ ອະພິຫັດຖຸມປະວາໄຣຍະ “ຫັນທະ ພິກຂຸ ຂາທະ ວາ ພຸນຊະ ວາຕິ ຊານັງ ອາສາທະນາເປກໂຂ, ພຸດຕັສ໌ມິງ ປາຈິດຕິຍັງ.

37. ໂຍ ປະນະ ພິກຂຸ ວິກາເລ ຂາທະນີຍັງ ວາ ໂພຊະນີຍັງ ວາ ຂາໄທຍະ ວາ ພຸນໄຊຍະ ວາ, ປາຈິດຕິຍັງ.

38. ໂຍ ປະນະ ພິກຂຸ ສັນນິທິກາຣະກັງ ຂາທະນີຍັງ ວາ ໂພຊະນີຍັງ ວາ ຂາໄທຍະ ວາ ພຸນໄຊຍະ ວາ, ປາຈິດຕິຍັງ.

39. ຍານິ ໂຂ ປະນະ ຕານິ ປະນີຕະໂພຊະນານິ, ໄສຍະຖີທັງ, ສັບປິ ນະວະນີຕັງ ເຕລັງ ມະທຸ ຜານິຕັງ ມັດໂສ ມັງສັງ ຂິຣັງ ທະທິ, ໂຍ ປະນະ ພິກຂຸ ເອວະຣູປານິ ປະນີຕະໂພຊະນານິ ອະຄິລາໂນ ອັດຕະໂນ ອັດຖາຍະ ວີນຍາເປຕ໌ວາ ພຸນໄຊຍະ, ປາຈິດຕິຍັງ.

40. ໂຍ ປະນະ ພິກຂຸ ອະທິນນັງ ມຸຂະທ໌ວາຣັງ ອາຫາຣັງ ອາຫະໄຣຍະ ອັນຍັຕ໌ຣະ ອຸທະກະທັນຕະໂປນາ, ປາຈິດຕິຍັງ.

  ໂພຊະນະວັກໂຄ ຈະຕຸດໂຖ

41. ໂຍ ປະນະ ພິກຂຸ ອະເຈລະກັດສະ ວາ ປະຣິບພາຊະກັດສະ ວາ ປະຣິບພາຊິກາຍະ ວາ ສະຫັດຖາ ຂາທະນີຍັງ ວາ ໂພຊະນີຍັງ ວາ ທະໄທຍະ, ປາຈິດຕິຍັງ.

42. ໂຍ ປະນະ ພິກຂຸ ພິກຂຸງ (ເອວັງ ວະໄທຍະ) “ເອຫາວຸໂສ ຄາມັງ ວາ ນິຄະມັງ ວາ ປິນດາຍະ ປະວິສິດສາມິຕິ. ຕັດສະ ທາເປຕ໌ ວາ ອະທາເປຕ໌ວາ ວາ ອຸຍໂຍໄຊຍະ” ຄັດສາວຸໂສ, ນະ ເມ ຕະຍາ ສັດທິງ ກະຖາ ວາ ນິສັດຊາ ວາ ຜາສຸ ໂຫຕິ, ເອກະກັດສະ ເມ ກະຖາ ວາ ນິສັດຊາ ວາ ຜາສຸ ໂຫຕີຕິ, ເອຕະເທວະ ປັດຈະຍັງ ກະຣິຕ໌ວາ ອະນັນຍັງ, ປາຈິດຕິຍັງ.

43. ໂຍ ປະນະ ພິກຂຸ ສະໂພຊະເນ ກຸເລ ອະນູປະຂັດຊະ ນິສັດຊັງ ກັບໄປຍະ, ປາຈິດຕິຍັງ.

44. ໂຍ ປະນະ ພິກຂຸ ມາຕາຄາເມນະ ສັດທິງ ຣະໂຫ ປະຕິດສັນເນ ອາສະເນ ນິສັດຊັງ ກັບໄປຍະ, ປາຈິດຕິຍັງ.

45. ໂຍ ປະນະ ພິກຂຸ ມາຕຸຄາເມນະ ສັດທິງ ເອໂກ ເອກາຍະ ຣະໂຫ ນິສັດຊັງ ກັບໄປຍະ, ປາຈິດຕິຍັງ.

46. ໂຍ ປະນະ ພິກຂຸ ນິມັນຕິໂຕ ສະພັດໂຕ ສະມາໂນ ສັນຕັງ ພິກຂຸງ ອະນາປຸດສາ ປຸເຣພັດຕັງ ວາ ປັດສາພັດຕັງ ວາ ກຸເລສຸ ຈາຣິດຕັງ ອາປັດໄຊຍະ ອັນຍັຕ໌ຣະ ສະມະຍາ, ປາຈິດຕິຍັງ. ຕັດຖາຍັງ ສະມະໂຍ. ຈີວະຣະທານະສະມະໂຍ ຈີວະຣະກາຣະສະມະໂຍ, ອະຍັງ ຕັດຖະ ສະມະໂຍ.

47. ອະຄິລາເນນະ ພິກຂຸນາ ຈາຕຸມາສະປັດຈະຍະປະວາຣະນາ ສາທິຕັບພາ ອັນຍັຕ໌ຣະ ປຸນະປະວາຣະນາຍະ, ອັນຍັຕ໌ຣະ ນິດຈະ ປະວາຣະນາຍະ, ຕະໂຕ ເຈ ອຸດຕະຣິງ ສາທິໄຍຍະ, ປາຈິດຕິຍັງ.

48. ໂຍ ປະນະ ພິກຂຸ ອຸຍຍຸດຕັງ ເສນັງ ທັດສະນາຍະ ຄັດໄສຍະ ອັນຍັຕ໌ຣະ ຕະຖາຣູປະປັດຈະຍາ, ປາຈິດຕິຍັງ.

49. ສິຍາ ຈະ ຕັດສະ ພິກຂຸໂນ ໂກຈິເທວະ ປັດຈະໂຍ ເສນັງ ຄະມະນາຍະ, ທ໌ວິຣັດຕະຕິຣັດຕັງ ເຕນະ ພິກຂຸນາ ເສນາຍະ ວະສິຕັບພັງ. ຕະໂຕ ເຈ ອຸດຕະຣິງ ວະໄສຍະ, ປາຈິດຕິຍັງ.

50. ທ໌ວິຣັດຕະຕິຣັດຕັນເຈ ພິກຂຸ ເສນາຍະ ວະສະມາໂນ ອຸຍໂຍ ທິກັງ ວາ ພະລັກຄັງ ວາ ເສນາພ໌ຍູຫັງ ວາ ອະນີກະທັດສະນັງ ວາ ຄັດໄສຍະ, ປາຈິດຕິຍັງ.

  ອະເຈລະກະວັກໂຄ ປັນຈະໂມ.

51. ສຸຣາເມຣະຍະປາເນ ປາຈິດຕິຍັງ.

52. ອັງຄຸລິປະໂຕທະເກ ປາຈິດຕິຍັງ.

53. ອຸທະເກ ຫັດສະທັມເມ ປາຈິດຕິຍັງ.

54. ອະນາທະຣິເຍ ປາຈິດຕິຍັງ.

55. ໂຍ ປະນະ ພິກຂຸ ພິກຂຸງ ພິງສາໄປຍະ, ປາຈິດຕິຍັງ.

56. ໂຍ ປະນະ ພິກຂຸ ອະຄິລາໂນ ວິສີວະນາເປກໂຂ ໂຊຕິງ ສະມາທະໄຫຍະ ວາ ສະມາທະຫາໄປຍະ ວາ ອັນຍັຕ໌ຣະ ຕະຖາຣູປະ ປັດຈະຍາ, ປາຈິດຕິຍັງ.

57. ໂຍ ປະນະ ພິກຂຸ ໂອເຣນັດທະມາສັງ ນະຫາໄຍຍະ ອັນຍັຕ໌ຣະ ສະມະຍາ, ປາຈິດຕິຍັງ. ຕັດຖາຍັງ. ສະມະໂຍ. ທິຍັດໂທ ມາໂສ ເສໂສ ຄິມຫານັນຕິ ວັດສານັດສະ ປະຖະໂມ ມາໂສ ອິດເຈເຕ ອັດຖະໄຕຍະ ມາສາ ອຸນຫະສະມະໂຍ ປະຣິລາຫະສະມະໂຍ ຄິລານະສະມະໂຍ ກັມມະສະມະໂນ ອັດທານະຄະມະສະມະໂຍ ວາຕະວຸດຖິສະມະໂຍ, ອະຍັງ ຕັດຖະ ສະມະໂຍ.

58. ນະວັມປະນະ ພິກຂຸນາ ຈີວະຣະລາເພນະ ຕິນນັງ ທຸບພັນນະກະຣະນານັງ ອັນຍະຕະຣັງ ທຸບພັນນະກະຣະນັງ ອາທາຕັບພັງ ນີລັງ ວາ ກັດທະມັງ ວາ ກາລະສາມັງ ວາ, ອະນາທາ ເຈ ພິກຂຸ ຕີນນັງ ທຸບ ພັນນະກະຣະນານັງ ອັນຍະຕະຣັງ ທຸບພັນນະກະຣະນັງ ນະວັງ ຈີວະຣັງປະຣິພຸນໄຊຍະ, ປາຈິດຕິຍັງ.

59. ໂຍ ປະນະ ພິກຂຸ ພິກຂຸດສະ ວາ ພິກຂຸນິຍາ ວາ ສິກຂະ ມານາຍະ ວາ ສາມະເນຣັດສະ ວາ ສາມະເນຣິຍາ ວາ ສາມັງ ຈີວະຣັງ ວິກັບເປຕ໌ວາ ອະປັດຈຸດທາຣະກັງ ປະຣິພຸນໄຊຍະ, ປາຈິດຕິຍັງ.

60. ໂຍ ປະນະ ພິກຂຸ ພິກຂຸດສະ ປັດຕັງ ວາ ຈີວະຣັງ ວາ ນິສີທະນັງ ວາ ສູຈິຄະຣັງ ວາ ກາຍະພັນທະນັງ ວາ ອະປະນິໄທຍະ ວາ ອະປະນິທາໄປຍະ ວາ ອັນຕະມະໂສ ຫັດສາເປກໂຂປິ, ປາຈິດຕິຍັງ.

  ສຸຣາປານະວັກໂຄ ສັດໂຖ.

61. ໂຍ ປະນະ ພິກຂຸ ສັນຈິດຈະ ປານັງ ຊີວິຕາ ໂວໂຣໄປຍະ, ປາຈິດຕິຍັງ.

62. ໂຍ ປະນະ ພິກຂຸ ຊານັງ ສັບປານະກັງ ອຸທະກັງ ປະຣິ ພຸນໄຊຍະ, ປາຈິດຕິຍັງ.

63. ໂຍ ປະນະ ພິກຂຸ ຊານັງ ຍະຖາທັມມັງ ນີຫະຕາທິກະຣະນັງ ປຸນະກັມມາຍະ ອຸກໂກໄຊຍະ, ປາຈິດຕິຍັງ.

64. ໂຍ ປະນະ ພິກຂຸ ພິກຂຸດສະ ຊານັງ ທຸດຖຸນລັງ ອາປັດຕິງ ປະຕິດສາໄທຍະ, ປາຈິດຕິຍັງ.

65. ໂຍ ປະນະ ພິກຂຸ ຊານັງ ອູນະວີສະຕິວັດສັງ ປຸກຄະລັງ ອຸປະສັມປາໄທຍະ, ໂສ ຈະ ປຸກຄະໂລ ອະນຸປະສັມປັນໂນ, ເຕ ຈະ ພິກຂູ ຄາຣັຍ໌ຫາ, ອິທັງ ຕັສ໌ມິງ ປາຈິດຕິຍັງ.

66. ໂຍ ປະນະ ພິກຂຸ ຊານັງ ໄຖຍະສັດເຖນະ ສັດທິງ ສັງວິທາຍະເອກັດທານະມັກຄັງ ປະຕິປັດໄຊຍະ ອັນຕະມະໂສ ຄາມັນຕະຣັມປິ, ປາຈິດຕິຍັງ.

67. ໂຍ ປະນະ ພິກຂຸ ມາຕຸຄາເມນະ ສັດທິງ ສັງວິທາຍະ ເອກັດທານະມັກຄັງ ປະຕິປັດໄຊຍະ ອັນຕະມະໂສ ຄາມັນຕະຣັມປິ, ປາຈິດຕິຍັງ.

68. ໂຍ ປະນະ ພິກຂຸ ເອວັງ ວະໄທຍະ “ຕະຖາຫັງ ພະຄະວະຕາ ທັມມັງ ເທສິຕັງ ອາຊານາມິ. ຍະຖາ ເຍເມ ອັນຕະຣາຍິກາ ທັມມາ ວຸດຕາ ພະຄະວະຕາ ເຕປະຕິເສວະໂຕ ນາລັງ ອັນຕະຣາຍາຍາຕິ, ໂສ ພິກຂຸ ພິກຂູຫິ ເອວະມັດສະ ວະຈະນີໂຍ “ມາ ອາຍັສ໌ມາ ເອວັງ ອະວະຈະ, ມາ ພະຄະວັນຕັງ ອັບພາຈິກຂິ, ນະ ຫິ ສາທຸ ພະຄະວະໂຕ ອັບພັກຂານັງ, ນະ ຫິ ພະຄະວາ ເອວັງ ວະໄທຍະ, ອະເນກະປະຣິຍາເຍນະ ອາວຸໂສ ອັນຕະຣາຍິກາ ທັມມາ ວຸດຕາ ພະຄະວະຕາ, ອະລັນຈະ ປະນະ ເຕ ປະຕິເສວະໂຕ ອັນຕະຣາຍາຍາຕິ, ເອວັນຈະ ໂສ ພິກຂຸ ພິກຂູຫິ ວຸດຈະມາໂນ ຕະເຖວະ ປັກຄັນໄຫຍະ, ໂສ ພິກຂຸ ພິກຂູຫິ ຍາວະຕະຕິຍັງ ສະມະນຸ ພາສິຕັບໂພ ຕັດສະ ປະຕິນິດສັກຄາຍະ, ຍາວະ ຕະຕິຍັນເຈ ສະມະ ນຸພາສິຍະມາໂນ ຕັງ ປະຕິນິດສັດໄຊຍະ, ອິດເຈຕັງ, ກຸສະລັງ, ໂນ ເຈ ປະຕິນິດສັດໄຊຍະ, ປາຈິດຕິຍັງ.

69. ໂຍ ປະນະ ພິກຂຸ ຊານັງ ຕະຖາວາທິນາ ພິກຂຸນາ ອະກະ ຊານຸທັມເມນະ ຕັງ ທິດຖິງ ອັບປະຕິນິດສັດເຖນະ ສັດທິງ ສັມພຸນໄຊຍະ ວາ ສັງວະໄສຍະ ວາ ສະຫະ ວາ ໄສຍັງ ກັບໄປຍະ, ປາຈິດຕິຍັງ.

70. ສະມະນຸດເທໂສປິ ເຈ ເອວັງ ວະໄທຍະ “ຕະຖາຫັງ ພະຄະວະຕາ ທັມມັງ ເທສິຕັງ ອາຊານາມິ, ຍະຖາ ເຍເມ ອັນຕະຣາຍິກາ ທັມມາ ວຸດຕາ ພະຄະວະຕາ, ເຕ ປະຕິເສວະໂຕ ນາລັງ ອັນຕະຣາຍາຍາຕິ, ໂສ ສະມະນຸດເທໂສ ພິກຂູຫິ ເອວະມັດສະ ວະຈະນີໂຍ ”ມາ ອາວຸໂສ ສະມະນຸດເທສະ ເອວັງ ອະວະຈະ, ມາ ພະຄະວັນຕັງ ອັບພາຈິກຂິ, ນະ ຫິ ສາທຸ ພະຄະວະໂຕ ອັບພັກຂານັງ, ນະ ຫິ ພະຄະວາ ເອວັງ ວະໄທຍະ. ອະເນກະປະຣິຍາເຍນະ ອາວຸໂສ ສະມະນຸທເທສະ ອັນຕະຣາຍິກາ ທັມມາ ວຸດຕາ ພະຄະວະຕາ, ອະລັນຈະ ປະນະ ເຕ ປະຕິເສວະໂຕ ອັນຕະ ຣາຍາຍາຕິ, ເອວັນຈະ ໂສ ສະມະນຸດເທໂສ ພິກຂູຫິ ວຸດຈະມາໂນຕະເຖວະ ປັກຄັນໄຫຍະ, ໂສ ສະມະນຸດເທໂສ ພິກຂູຫິ ເອວະມັດສະ ວະຈະນີໂຍ “ອັດຊະຕັກເຄ ເຕ ອາວຸໂສ ສະມະນຸດເທສະ ນະ ເຈວະ ໂສ ພະຄະວາ ສັດຖາ ອະປະທິສິຕັບໂພ, ຍັມປິ ຈັນເຍ ສະມະນຸດເທສາ ລະພັນຕິ ພິກຂູຫິ ສັດທິງ ທ໌ວິຣັດຕະຕິຣັດຕັງ ສະຫະໄສຍັງ, ສາປິ ເຕ ນັດຖິ, ຈະຣະ ປິເຣ ວິນັດສາຕິ, ໂຍ ປະນະ ພິກຂຸ ຊານັງ ຕະຖານາສິຕັງ ສະມະນຸດເທສັງ ອຸປະລາໄປຍະ ວາ ອຸປັດຖາໄປຍະ ວາ ສັມພຸນໄຊຍະ ວາ ສະຫະ ວາ ໄສຍັງ ກັບໄປຍະ, ປາຈິດຕິຍັງ.

  ສັບປານະວັກໂຄ ສັດຕະໂມ.

71. ໂຍ ປະນະ ພິກຂຸ ພິກຂູຫິ ສະຫະທັມມິກັງ ວຸດຈະມາໂນ ເອວັງ ວະໄທຍະ “ນະ ຕາວາຫັງ ອາວຸໂສ ເອຕັສ໌ມິງ ສິກຂາປະເທ ສິກຂິສສາມິ, ຍາວະ ນັນຍັງ ພິກຂຸງ ພ໌ຍັດຕັງ ວິນະຍະທະຣັງ ປະຣິ ປຸດສາມີຕິ, ປາຈິດຕິຍັງ, ສິກຂະມາເນນະ ພິກຂະເວ ພິກຂຸນາ ອັນຍາ ຕັບພັງ ປະຣິປຸດສິຕັບພັງ ປະຣິປັນຫິຕັບພັງ, ອະຍັງ ຕັດຖະ ສາມິຈິ.

72. ໂຍ ປະນະ ພິກຂຸ ປາຕິກໂມກເຂ ອຸດທິດສະມາເນ ເອວັງ ວະໄທຍະ “ກີມປະນິເມຫິ ຂຸດທານຸຂຸດທະເກຫິ ສິກຂາປະເທຫິ ອຸດທິດ ເຖຫິ, ຍາວະເທວະ ກຸກກຸດຈາຍະ ວິເຫສາຍະ ວິເລຂາຍະ ສັງວັດຕັນຕີຕິ, ສິກຂາປະທະວິວັນນະນະເກ ປາຈິດຕິຍັງ.

73. ໂຍ ປະນະ ພິກຂຸ ອັນ໌ວັດທະມາສັງ ປາຕິໂມກເຂ ອຸດທິດ ສະມາເນ ເອວັງ ວະໄທຍະ “ອິທາເນວະ ໂຂ ອະຫັງ ອາຊານາມິ” ອະຍັມປິ ກິຣະ ທັມໂມ ສຸດຕາຄະໂຕ ສຸດຕະປະຣິຍາປັນໂນ ອັນ໌ວັດຖະມາສັງ ອຸດເທສັງ ອາຄັດສະຕີຕິ, ຕັນເຈ ພິກຂຸງ ອັນເຍ ພິກຂູ ຊາໄນຍຸງ” ນິສີນນະປຸບພັງ ອິມິນາ ພິກຂຸນາ ທ໌ວິດຕິກຂັດຕຸງ ປາຕິໂມກເຂ ອຸດທິດສະມາເນ ໂກ ປະນະ ວາໂທ ພີຍໂຍຕິ, ນະ ຈະ ຕັດສະ ພິກຂຸໂນ ອັນຍານະເກນະ ມຸດຕິ ອັດຖິ, ຍັນຈະ ຕັດຖະ ອາປັດຕິງ ອາປັນໂນ, ຕັນຈະ ຍະຖາທັມໂມ ກາເຣຕັບໂພ, ອຸດຕະຣິນຈັດສະ ໂມໂຫ ອາໂຣເປຕັບໂພ” ຕັດສະ ເຕ ອາວຸໂສ ອະລາພາ, ຕັດສະ ເຕ ທຸນລັດທັງ, ຍັງ ຕ໌ວັງ ປາຕິໂມກເຂ ອຸດທິດສະມາເນ ນະ ສາທຸກັງ ອັດຖິກັຕ໌ວາ ມະມະສິ ກະໂຣສີຕິ, ອິທັງ ຕັສ໌ມິງ ໂມຫະນະເກ ປາຈິດຕິຍັງ.

74. ໂຍ ປະນະ ພິກຂຸ ພິກຂຸດສະ ກຸປິໂຕ ອະນັດຕະມະໂນ ປະຫາຣັງ ທະໄທຍະ, ປາຈິດຕິຍັງ.

75. ໂຍ ປະນະ ພິກຂຸ ພິກຂຸດສະ ກຸປິໂຕ ອະນັດຕະມະໂນ ຕະລະສັດຕິກັງ ອຸກຄິໄຣຍະ, ປາຈິດຕິຍັງ.

76. ໂຍ ປະນະ ພິກຂຸ ພິກຂຸງ ອະມູລະເກນະ ສັງຄາທິເສເສນະ ອະນຸດທັງໄສຍະ, ປາຈິດຕິຍັງ.

77. ໂຍ ປະນະ ພິກຂຸ ພິກຂຸດສະ ສັນຈິດຈະ ກຸກກຸດຈັງ ອຸປະ ທະໄຫຍະ “ອິຕິດສະ ມຸຫຸດຕັມປິ ອະຜາສຸ ພະວິດສະຕີຕິ ເອຕະເທວະ ປັດຈະຍັງ ກະຣິຕ໌ວາ ອະນັນຍັງ, ປາຈິດຕິຍັງ.

78. ໂຍ ປະນະ ພິກຂຸ ພິກຂູນັງ ພັນທະນະຊາຕານັງ ກະລະ ຫະຊາຕານັງ ວິວາທາປັນນານັງ ອຸປັດສຸຕິງ ຕິດໄຖຍະ “ຍັງ ອິເມ ພະນິດສັນຕິ, ຕັງ ໂສດສາມີຕິ ເອຕະເທວະ ປັດຈະຍັງ ກະຣິຕ໌ວາ ອະນັນຍັງ, ປາຈິດຕິຍັງ.

79. ໂຍ ປະນະ ພິກຂຸ ທັມມິການັງ ກັມມານັັງ ສັນທັງ ທັຕ໌ວາ ປັດສາ ຂິຍຍະນະທັມມັງ ອາປັດໄຊຍະ, ປາຈິດຕິຍັງ.

80. ໂຍ ປະນະ ພິກຂຸ ສັງເຄ ວິນິດສະຍະກະຖາຍະ ວັດຕະມານາຍະ ສັນທັງ ອະທັຕ໌ວາ ອຸດຖາຍາສະນາ ປັກກະໄມຍະ, ປາຈິດຕິຍັງ.

81. ໂຍ ປະນະ ພິກຂຸ ສະມັກເຄນະ ສັງເຄນະ ຈີວະຣັງ ທັຕ໌ວາ ປັດສາ ຂິຍຍະນະທັມມັງ ອາປັດໄຊຍະ “ຍະຖາສັນຖຸຕັງ ພິກຂູ ສັງຄິກັງ ລາພັງ ປະຣິນາເມນຕີຕິ, ປາຈິດຕິຍັງ.

82. ໂຍ ປະນະ ພິກຂຸ ຊານັງ ສັງຄິກັງ ລາພັງ ປະຣິນະຕັງ ປຸກຄະລັດສະ ປະຣິນາໄມຍະ, ປາຈິດຕິຍັງ.

  ສະຫະທັມມິກະວັກໂຄ ອັດຖະໂມ.

83. ໂຍ ປະນະ ພິກຂຸ ຣັນໂຍ ຂັດຕິຍັດສະ ມຸດທາພິສິດຕັດສະ ອະນິກຂັນຕະຣາຊະເກ ອະນິກຄະຕະຣະຕະນະເກ ປຸບເພ ອັບປະຕິສັງວິທິໂຕ ອິນທະຂີລັງ ອະຕິກກາໄມຍະ, ປາຈິດຕິຍັງ.

84. ໂຍ ປະນະ ພິກຂຸ ຣະຕະນັງ ວາ ຣະຕະນະສັມມະຕັງ ວາ ອັນຍັຕ໌ຣະ ອັດຊະນາຣາມາ ວາ ອັດຊະວະສາຖາ ວາ ອຸຄັນໄຫຍະ ວາ ອຸກຄັນຫາໄປຍະ ວາ, ປາຈິດຕິຍັງ. ຣະຕະນັງ ວາ ປະນະ ພິກຂຸນາ ຣະຕະນະສັມມະຕັງ ວາ ອັດຊາຣາເມ ວາ ອັດຊາວະສະເຖ ວາ ອຸກຄະ ເຫຕ໌ວາ ວາ ອຸກຄັນຫາເປຕ໌ວາ ວາ ນິກຂິປິຕັບພັງ “ ຍັດສະ ພະວິດສະຕິ, ໂສ ຫະຣິດສະຕີຕິ, ອະຍັງ ຕັດຖະ ສາມີຈິ.

85. ໂຍ ປະນະ ພິກຂຸ ສັນຕັງ ພິກຂຸງ ອະນາປຸດສາ ວິກາເລ ຄາມັງ ປະວິໄສຍະ, ອັນຍັຕ໌ຣະ ຕະຖາຣູປາ ອັດຈາຍິກາ ກະຣະນີຍາ ປາຈິດຕິຍັງ.

86. ໂຍ ປະນະ ພິກຂຸ ອັດຖິມະຍັງ ວາ ທັນຕະມະຍັງ ວາ ວິສາ ນະມະຍັງ ວາ ສູຈິຄະຣັງ ກາຣາໄປຍະ, ເພທະນະກັງ ປາຈິດຕິຍັງ.

87. ນະວັມປະນະ ພິກຂຸນາ ມັນຈັງ ວາ ປີຖັງ ວາ ກາຣະຍະ ມາເນນະ ອັດຖັງຄຸລະປາທະກັງ ກາເຣຕັບພັງ ສຸຄະຕັງຄຸເລນະ ອັນຍັຕ໌ຣະ ເຫດຖິມາຍະ ອະທະນິຍາ, ຕັງ ອະຕິກກາມະຍະໂຕ ເສທະນະກັງ ປາຈິດຕິຍັງ.

88. ໂຍ ປະນະ ພິກຂຸ ມັນຈັງ ວາ ປີຖັງ ວາ ຕູໂລນັດທັງ ກາຣາ ໄປຍະ, ອຸດທາລະນະກັງ ປາຈິດຕິຍັງ.

89. ນິສີທະນັມປະນະ ພິກຂຸນາ ກາຣະຍະມາເນນະ ປະມານິກັງ ກາເຣຕັບພັງ. ຕັຕ໌ຣິທັງ ປະມານັງ. ທີຄະໂສ ເທ໌ວະ ວິທັດຖິໂຍ ສຸຄະຕະ ວິທັດຖິຍາ, ຕິຣິຍັງ ທິຍັດຖັງ, ທະສາ ວິທັດຖິ. ຕັງ ອະຕິກກາມະຍະໂຕ ເສທະນະກັງ ປາຈິດຕິຍັງ.

90. ກັນດຸປະຕິດສາທິງ ປະນະ ພິກຂຸນາ ກາຣະຍະມາເນນະ ປະມານິກາ ກາເຣຕັບພາ. ຕັຕ໌ຣິທັງ ປະມານັງ ທີຄະໂສ ຈະຕັດໂສ ວິທັດຖິໂຍ ສຸຄະຕະວິທັດຖິຍາ, ຕິຣິຍັງ ເທ໌ວ ວິທັດຖິໂຍ. ຕັງ ອະຕິກກາ ມະຍະໂຕ ເສທະນະກັງ ປາຈິດຕິຍັງ.

91. ວັດສິກະສາຕິກັງ ປະນະ ພິກຂຸນາ ກາຣະຍະມາເນນະ ປະມານິກາ ກາເຣຕັບພາ, ຕັຕ໌ຣິທັງ ປະມານັງ. ທິຄະໂສ ສະວິທັດຖິໂຍ ສຸຄະຕະວິທັດຖິຍາ ຕິຣິຍັງ ອັດທະໄຕຍາ. ຕັງ ອະຕິກກາມະຍະໂຕ ເສທະນະກັງ ປາຈິດຕິຍັງ.

92. ໂຍ ປະນະ ພິກຂຸ ສຸຄະຕະຈີວະຣັບປະນານັງ ຈີວະຣັງ ກາຣາໄປຍະ ອະຕິເຣກັງ ວາ, ເສທະນະກັງ ປາຈິດຕິຍັງ. ຕັຕ໌ຣິທັງ ສຸຄະຕັດສະ ສຸຄະຕະຈີວະຣັບປະມານັງ. ທີຄະໂສ ນະວະ ວິທັດຖິໂຍ ສຸຄະຕະວິທັດຖິຍາ ຕິຣິຍັງ ສະ ວິທັດຖິໂຍ, ອິທັງ ສຸຄະຕັດສະ ສຸຄະຕະຈີວະຣັບປະມານັງ.

ຣະຕະນະວັກໂຄ ນະວະໂມ.

  ອຸດທິດຖາ ໂຂ ອາຍັສ໌ມັນໂຕ ເທ໌ວນະວຸຕິ ປາຈິດຕິຍາ ທັມມາ.
ຕັດຖາຍັສ໌ມັນເຕ ປຸດສາມິ. ກັດຈິດຖະ ປະຣິສຸດທາ?
ທຸຕິຍັມປິ ປຸດສາມິ. ກັດຈິດຖະ ປະຣິສຸດທາ?
ຕະຕິຍັມປິ ປຸດສາມິ. ກັດຈິດຖະ ປະຣິສຸດທາ?
ປະຣິສຸດເທດຖາຍັສ໌ມັນໂຕ ຕັສ໌ມາ ຕຸນຫີ, ເອວະເມຕັງ ທາຣະຍາມິ.

  ປາຈິດຕິຍາ ນິດຖິຕາ.

  ປາຖະເທສນິິຍະ 4

  ອິເມ ໂຂ ປະນາຍັສ໌ສັນໂຕ ຈັດຕາໂຣ ປາຕິເທສະນີຍາ ທັມມາ ອຸດເທສັງ ອາຄັດສັນຕິ.

1. ໂຍ ປະນະ ພິກຂຸ ອັນຍາຕິກາຍະ ພິກຂຸນິຍາ ອັນຕະຣະຄະຣັງ ປະວິດຖາຍະ ຫັດຖະໂຕ ຂາທະນີຍັງ ວາ ໂພຊະນີຍັງ ວາ ສະຫັດຖາ ປະຕິກຄະເຫຕ໌ວາ ຂາໄທຍະ ວາ ພຸນໄຊຍະ ວາ, ປະຕິເທເສຕັບພັງ ເຕນະ ພິກຂຸນາ “ຄາຣັຍ໌ຫັງ ອາວຸໂສ ທັມມັງ ວາປັດຊິງ ອະສັບປາຍັງ ປາຕິເທສະນີຍັງ, ຕັງ ປະຕິເທເສມີຕິ.

2. ພິກຂູ ປະເນວະ ກຸເລສຸ ນິມັນຕິຕາ ພຸນຊັນຕິ, ຕັຕ໌ຣະ ເຈ ພິກຂຸນີ ໂວສາສະມະນະຣູປາ ຖິຕາ ໂຫຕິ “ອິທະ ສູປັງ ເທຖະ, ອິທະ ໂອທະນັງ ເທຖາຕິ ເຕຫິ ພິກຂູຫິ ສາ ພິກຂຸນີ ອະປະສາເທຕັບພາ” ອະປະສັກະ ຕາວະ ພະຄິນິ, ຍາວະພິກຂຸ ພຸນຊັນຕີຕິ, ເອກັດສະປິ ເຈ ພິກຂຸໂນ ນັບປະຕິພາໄສຍະ ຕັງ ພິກຂຸນິງ ອະປະສາເທຕຸງ “ອະປະສັກກະ ຕາວະ ພະຄິນິ, ຍາວະ ພິກຂູ ພຸນຊັນຕີຕິ, ປະຕິເທເສຕັບພັງ ເຕຫິ ພິກຂູຫິ” ຄາຣັຍ໌ຫັງ ອາວຸໂສ ທັມມັງ ອາປັດຊິມຫາ ອະສັບປາຍັງ ປາຕິ ເທສະນີຍັງ, ຕັງ ປະຕິເທເສມາຕິ.

3. ຍານິ ໂຂ ປະນະ ຕານິ ເສກຂະສັມມະຕານິ ກຸລານິ, ໂຍ ປະນະ ພິກຂຸ ຕະຖາຣູເປສຸ ເສກຂະສັມມະເຕສຸ ກຸເລສຸ ປຸບເພ ອະນິ ມັນຕິໂຕ ອະຄິລາໂນ ຂາທະນີຍັງ ວາ ໂພຊະນີຍັງ ວາ ສະຫັດຖາ ປະຕິກ ຄະເຫຕ໌ວາ ຂາໄທຍະ ວາ ພຸນໄຊຍະ ວາ, ປະຕິເທເສຕັບພັງ ເຕນະ ພິກຂຸນາ “ຄາຣັຍ໌ຫັງ ອາວຸໂສ ທັມມັງ ອາປັດຊິງ ອະສັບປະປາຍັງ ປາຕິ ເທສະນີຍັງ, ຕັງ ປະຕິເທເສມີຕິ.

4. ຍານິ ໂຂ ປະນະ ຕານິ ອາຣັນຍະການິ ເສນາສະນານິ ສາສັງກະສັມມະຕານິ ສັບປະຕິພະຍານິ, ໂຍ ປະນະ ພິກຂຸ ຕະຖາຣູເປສຸ ເສນາສະເນສຸ ວິຫະຣັນໂຕ ປຸບເພ ອັບປະຕິສັງວິທິຕັງ ຂາທະນີຍັງ ວາ ໂພຊະນີຍັງ ວາ ອັດຊານາຣາເມ ສະຫັຕຖາ ປະຕິກຄະເຫຕ໌ວາ ອະຄິລາໂນ ຂາໄທຍະ ວາ ພຸນໄຊຍະ ວາ, ປະຕິເທເສຕັບພັງ ເຕນະ ພິກຂຸນາ” ຄາຣັຍ໌ຫັງ ອາວຸໂສ ທັມມັງ ອາປັດຊິງ ອະສັບປາຍັງ ປາຕິ ເທສະນີຍັງ, ຕັງ ປະຕິເທເສມີມິ.

ອຸດທິດຖາ ໂຂ ອາຍັສ໌ມັນໂຕ ຈັດຕາໂຣ ປາຕິເທສະນີຍາ ທັມມາ.

  ຕັດຖາຍັສ໌ມັນເຕ ປຸດສາມິ. ກັດຈິຖະ ປະຣິສຸດທາ?
ທຸຕິຍັມປິ ປຸດສາມິ. ກັດຈິຖະ ປະຣິສຸດທາ?
ຕະຕິຍັມປິ ປຸດສາມິ. ກັດຈິຖະ ປະຣິສຸດທາ?
ປະຣິສຸດເທຖາຍັສ໌ມັນໂຕ ຕັສ໌ມາ ຕຸນຫີ, ເອວະເມຕັງ ທາຣະຍາມິ.

  ປາຖິເທສະນີຍາ ນິດຖິຕາ

  ເສຂີຍະວັດ 75

  ອິເມ ໂຂ ປະນາຍັສ໌ມັນໂຕ (ປັນຈະສັຕຕະຕິ) ເສຂີຍາ ທັມມາ ອຸດເທສັງ ອາຄັດສັນຕິ.

1. ປະຣິມັນດະລັງ ນິວາເສດສາມີຕິ ສິກຂາ ກະຣະນີຍາ.

2. ປະຣິມັນດະລັງ ປາຣຸປິດສາມີຕິ ສິກຂາ ກະຣະນີຍາ.

3. ສຸປະຕິສັນໂນ ອັນຕະຣະຄະເຣ ຄະມິດສາມີຕິ ສິກຂາ ກະຣະນີຍາ.

4. ສຸປະຕິດສັນໂນ ອັນຕະຣະຄະເຣ ນິສີທິດສາມີຕິ ສິກຂາ ກະຣະນີຍາ.

5. ສຸສັງວຸໂຕ ອັນຕະຣະຄະເຣ ຄະມິດສາມີຕິ ສິກຂາ ກະຣະນີຍາ.

6. ສຸສັງວຸໂຕ ອັນຕະຣະຄະເຣ ນິສີທິດສາມີຕິ ສິກຂາ ກະຣະນີຍາ.

7. ໂອກຂິດຕະຈັກຂຸ ອັນຕະຣະຄະເຣ ຄະມິດສາມີຕິ ສິກຂາ ກະຣະນີຍາ.

8. ໂອກຂິດຕະຈັກຂຸ ອັນຕະຣະຄະເຣ ນິສີທິດສາມີຕິ ສິກຂາ ກະຣະນີຍາ.

9. ນະ ອຸກຂິດຕະກາຍະ ອັນຕະຣະຄະເຣ ຄະມິດສາມີຕິ ສິກຂາ ກະຣະນີຍາ.

10. ນະ ອຸກຂິດຕະກາຍະ ອັນຕະຣະຄະເຣ ນິສີທິດສາມີຕິ ສິກຂາ ກະຣະນິຍາ.

11. ນະ ອຸດຊັກຄິກາຍະ ອັນຕະຣະຄະເຣ ຄະມິດສາມີຕິ ສິກຂາ ກະຣະນີຍາ.

12. ນະ ອຸດຊັກຄິກາຍະ ອັນຕະຣະຄະເຣ ນິສີທິດສາມີຕິ ສິກຂາ ກະຣະນີຍາ.

13. ອັບປະສັດໂທ ອັນຕະຣະຄະເຣ ຄະມິດສາມີຕິ ສິກຂາ ກະຣະນີຍາ.

14. ອັບປະສັດໂທ ອັນຕະຣະຄະເຣ ນິສີທິດສາມີຕິ ສິກຂາ ກະຣະນີຍາ.

15. ນະ ກາຍັບປະຈາລະກັງ ອັນຕະຣະຄະເຣ ຄະມິດສາມີຕິ ສິກຂາ ກະຣະນີຍາ.

16. ນະ ກາຍັບປະຈາລະກັງ ອັນຕະຣະຄະເຣ ນິສີທິດສາມີຕິ ສິກຂາ ກະຣະນີຍາ.

17. ນະ ພາຫຸບປະຈາລະກັງ ອັນຕະຣະຄະເຣ ຄະມິດສາມີຕິ ສິກຂາ ກະຣະນີຍາ.

18. ນະ ພາຫຸບປະຈາລະກັງ ອັນຕະຣະຄະເຣ ນິສີທິດສາມີຕິ ສິກຂາ ກະຣະນີຍາ.

19. ນະ ສິສັບປະຈາລະກັງ ອັນຕະຣະຄະເຣ ຄະມິດສາມີຕິ ສິກຂາ ກະຣະນີຍາ.

20. ນະ ສິສັບປະຈາລະກັງ ອັນຕະຣະຄະເຣ ນິສີທິດສາມີຕິ ສິກຂາ ກະຣະນີຍາ.

21. ນະ ຂັມພະກະໂຕ ອັນຕະຣະຄະເຣ ຄະມິດສາມີຕິ ສິກຂາ ກະຣະນີຍາ.

22. ນະ ຂັມພະກະໂຕ ອັນຕະຣະຄະເຣ ນິສີທິດສາມີຕິ ສິກຂາ ກະຣະນີຍາ.

23. ນະ ໂອຄຸນຖີໂຕ ອັນຕະຣະຄະເຣ ຄະມິດສາມີຕິ ສິກຂາ ກະຣະນີຍາ.

24. ນະ ໂອຄຸນຖີໂຕ ອັນຕະຣະຄະເຣ ນິສີທິດສາມີຕິ ສິກຂາ ກະຣະນີຍາ.

25. ນະ ອຸກກຸຕິກາຍະ ອັນຕະຣະຄະເຣ ຄະມິດສາມີຕິ ສິກຂາ ກະຣະນີຍາ.

26. ນະ ປັນລັດຖິກາຍະ ອັນຕະຣະຄະເຣ ນິສີທິດສາມີຕິ ສິກຂາ ກະຣະນີຍາ.

  ສັພພີສະຕິ ສາຣຸບປາ

1. ສັກກັດຈັງ ປິນດະປາຕັງ ປະຕິກຄະເຫດສາມີຕິ ສິກຂາ ກະຣະນີຍາ.

2. ປັດຕະສັນຍີ ປິນດະປາຕັງ ປະຕິກຄະເຫດສາມີຕິ ສິກຂາ ກະຣະນີຍາ.

3. ສະມະສູປະກັງ ປິນດະປາຕັງ ປະຕິກຄະເຫດສາມີຕິ ສິກຂາ ກະຣະນີຍາ.

4. ສະມະຕິດຕິກັງ ປິນດະປາຕັງ ປະຕິກຄະເຫດສາມີຕິ ສິກຂາ ກະຣະນີຍາ.

5. ສັກກັຈຈັງ ປິນດະປາຕັງ ພຸນຊິດສາມີຕິ ສິກຂາ ກະຣະນີຍາ.

6. ປັດຕະສັນຍິ ປິນດະປາຕັງ ພຸນຊິດສາມີຕິ ສິກຂາ ກະຣະນີຍາ.

7. ສະປະທານັງ ປິນດະປາຕັງ ພຸນຊິດສາມີຕິ ສິກຂາ ກະຣະນີຍາ.

8. ສະມະສູປະກັງ ປິນດະປາຕັງ ພຸນຊິດສາມີຕິ ສິກຂາ ກະຣະນີຍາ.

9. ນະ ຖູປະໂຕ ໂອມັດທິຕ໌ວາ ປິນດະປາຕັງ ພຸນຊິດສາມີຕິ ສິກຂາ ກະຣະນີຍາ.

10. ນະ ສູປັງ ວາ ພະຍັນຊະນັງ ວາ ໂອທະເນນະ ປະຕິດສາ ເທດສາມິ ພີຍໂຍ ກັມມະຍະຕັງ ອຸປາທາຍາຕິ ສິກຂາ ກະຣະນີຍາ.

11. ນະ ສູປັງ ວາ ໂອທະນັງ ວາ ອະຄິລາໂນ ອັດຕະມະໂນ ອັດຖາຍະ ວິນຍາເປຕ໌ວາ ພຸນຊິດສາມີຕິ ສິກຂາ ກະຣະນີຍາ.

12. ນະ ອຸດຊານະສັນຍິ ປະເຣສັງ ປັດຕັງ ໂອໂລເກດສາມີຕິ ສິກຂາ ກະຣະນີຍາ.

13. ນາຕິມະຫັນຕັງ ກະວະລັງ ກະຣິດສາມີຕິ ສິກຂາ ກະຣະນີຍາ.

14. ປະຣິມັນດະລັງ ອາໂລປັງ ກະຣິດສາມີຕິ ສິກຂາ ກະຣະນີຍາ.

15. ນະ ອະນາຫະເຕ ກະວະເລ ມຸຂະນະທະວາຣັງ ວິວະຣິດສາມີຕິ ສິກຂາ ກະຣະນີຍາ.

16. ນະ ພຸນຊະມາໂນ ສັບພັງ ຫັດຖັງ ມຸເຂ ປັກຂິປິດສາມີຕິສິກຂາ ກະຣະນີຍາ.

17. ນະ ສະກະວະເລນະ ມຸເຂນະ ພະຍາຫະຣິດສາມີຕິ ສິກຂາ ກະຣະນີຍາ.

18. ນະ ປິນດຸກເຂປະກັງ ພຸນຊິດສາມີຕິ ສິກຂາ ກະຣະນີຍາ.

19. ນະ ກະວະລາວັດເສທະກັງ ພຸນຊິດສາມີຕິ ສິກຂາ ກະຣະນີຍາ.

20. ນະ ອະວະຄັນດະກາຣະກັງ ພຸນຊິດສາມີຕິ ສິກຂາ ກະຣະນີຍາ.

21. ນະ ຫັດຖະນິດທູນະກັງ ພຸນຊິດສາມີຕິ ສິກຂາ ກະຣະນີຍາ.

22. ນະ ສິດຖາວະກາຣະກັງ ພຸນຊິດສາມີຕິ ສິກຂາ ກະຣະນີຍາ.

23. ນະ ຊິວຫານິດສາຣະກັງ ພຸນຊິດສາມີຕິ ສິກຂາ ກະຣະນີຍາ.

24. ນະ ຈະປຸຈະປຸກາຣະກັງ ພຸນຊິດສາມີຕິ ສິກຂາ ກະຣະນີຍາ.

25. ນະ ສຸຣຸສຸຣຸກາຣະກັງ ພຸນຊິດສາມີຕິ ສິກຂາ ກະຣະນີຍາ.

26. ນະ ຫັດຖະນີນເລຫະກັງ ພຸນຊິດສາມີຕິ ສິກຂາ ກະຣະນີຍາ.

27. ນະ ປັດຕະນິນເລຫະກັງ ພຸນຊິດສາມີຕິ ສິກຂາ ກະຣະນີຍາ.

28. ນະ ໂອດຖະນີນເລຫະກັງ ພຸນຊິດສາມີຕິ ສິກຂາ ກະຣະນີຍາ.

29. ນະ ສາມິເສນະ ຫັດເຖນະ ປານີຍະຖາລະກັງ ປະຕິກຄະ ເຫດສາມີຕິ ສິກຂາ ກະຣະນີຍາ.

30. ນະ ສະສິດຖະກັງ ປັດຕະໂທວະນັງ ອັນຕະຣະຄະເຣ ສັດເດດສາມີຕິ ສິກຂາ ກະຣະນີຍາ.

  ສະມະຕິງສະ ໂພຊະນະປະຕິສັງຍຸດຕາ

1. ນະ ສັດຕະປານິດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

2. ນະ ທັນດະປານິດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

3. ນະ ສັດຖະປານິດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

4. ນະ ອາວຸທະປານິດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

5. ນະ ປາທຸກາຣູນ໌ຫັດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

6. ນະ ອຸປາຫະນາຣຸນ໌ຫັດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

7. ນະ ຍານະຄະຕັດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

8. ນະ ສາຍະນະຄະຕັດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

9. ນະ ປັນລັດຖີກາຍະ ນິສີນນັດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

10. ນະ ເວດຖິຕະສິສັດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

11. ນະ ໂອຄຸນຖິຕະສິສັດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

12. ນະ ສະມາຍັງ ນິສີທິຕ໌ວາ ອາສະເນ ນິສີນນັດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

13. ນະ ນິເຈ ອາສະເນ ນິສີທິຕ໌ວາ ອຸດເຈ ອາສະເນ ນິສີນນັດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

14. ນະ ຖີໂຕ ນິສີນນັດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

15. ນະ ປັດສະໂຕ ຄັດສັນໂຕ ປຸຣະໂຕ ຄັດສັນຕັດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

16. ນະ ອຸບປະເຖນະ ຄັດສັນໂຕ ປະເຖນະ ຄັດສັນຕັດສະ ອະຄິລານັດສະ ທັມມັງ ເທສິດສາມີຕິ ສິກຂາ ກະຣະນີຍາ.

  ໂສລະສະ ທັມມະເທສະນາປະຕິສັງຍຸດຕາ

1. ນະ ຖິໂຕ ອະຄິລາໂນ ອຸດຈາຣັງ ວາ ປັດສາວັງ ວາ ກະຣິດສາມີຕີ ສິກຂາ ກະຣະນີຍາ.

2. ນະ ຫະຣິເຕ ອະຄິລາໂນ ອຸດຈາຣັງ ວາ ປັດສາວັງ ວາ ເຂລັງ ວາ ກະຣິດສາມີຕີ ສິກຂາ ກະຣະນີຍາ.

3. ນະ ອຸທະເກ ອະຄິລາໂນ ອຸດຈາຣັງ ວາ ປັດສາວັງ ວາ ເຂລັງ ວາ ກະຣິດສາມີຕີ ສິກຂາ ກະຣະນີຍາ.

ຕະໂຍ ປະກີນນະກາ

  ອຸດທິດຖາ ໂຂ ອາຍັສ໌ມັນໂຕ (ປັນຈະສັຕຕະຕິ) ເສຂິຍາ ທັມມາ.
ຕັດຖາຍັສ໌ມັນເຕ ປຸດສາມິ. ກັດຈິດຖະ ປະຣິສຸດທາ?
ທຸຕິຍັມປິ ປຸດສາມິ. ກັດຈິດຖະ ປະຣິສຸດທາ?
ຕະຕິຍັມປິ ປຸດສາມິ. ກັດຈິດຖະ ປະຣິສຸດທາ?
ປະຣິສຸດເທດຖາຍັສ໌ມັນໂຕ ຕັສ໌ມາ ຕຸນ໌ຫິ, ເອວະເມຕັງ ທາຣະຍາມິ.

ເສຂິຍາ ນິດຖີຕາ.

  ອະທິກະຣະມະສະມະຖະ

  ອິເມ ໂຂ ປະນາຍັສ໌ມັນໂຕ ສັດຕາທິກະຣະນະສະມະຖາ ທັມມາ ອຸດເທສັງ ອາຄັດສັນຕິ.

  ອຸບປັນນຸບປັນນານັງ ອະທິກະຣະນານັງ ສະມະຖາຍະ ວູປະ ສະມາຍະ ສັມມຸຂາວິນະໂຍ ທາຕັບໂພ, ສະຕິວິນະໂຍ ທາຕັບໂພ, ອະມູລ໌ຫະວິນະໂຍ ທາຕັບໂພ, ປະຕິນຍາຕະກະຣະນັງ, ເຍພຸຍະສິກາ, ຕັດສະ ປາປິຍະສິກາ, ຕິນະວັດຖາຣະໂກຕິ.

ອຸດທິດຖາ ໂຂ ອາຍັສ໌ມັນໂຕ ສັດຕາທິກະຣະນະສະມະຖາ ທັມມາ.

ຕັດຖາຍັສ໌ມັນເຕ ປຸດສາມິ. ກັດຈິດຖະ ປະຣິສຸດທາ?

ທຸຕິຍັມປິ ປຸດສາມິ. ກັດຈິດຖະ ປະຣິສຸດທາ?

ຕະຕິຍັມປິ ປຸດສາມິ. ກັດຈິດຖະ ປະຣິສຸດທາ?

ປະຣິສຸດເທດຖາຍັສ໌ມັນໂຕ ຕັສ໌ມາ ຕຸນຫີ, ເອວະເມຕັງ ທາຣະຍາມິ.

  ສັດຕາທິກະຣະນະສະມະຖາ ນິດຖິຕາ.

  ອຸດທິດຖັງ ໂຂ ອາຍັສ໌ມັນໂຕ ນິທານັງ,

  ອຸດທິດຖາ ຈັດຕາໂຣ ປາຣາຊິກາ ທັມມາ,

  ອຸດທິດຖາ ເຕຣະສະ ສັງຄາທິເສສາ ທັມມາ,

  ອຸດທິດຖາ ເທ໌ວ ອະນິຍະຕາ ທັມມາ,

  ອຸດທິດຖາ ຕິງສະ ນິດສັກຄິຍາ ປາຈິດຕິຍາ ທັມມາ,

  ອຸດທິດຖາ ເທ໌ວນະວຸຕິ ປາຈິດຕິຍາ ທັມມາ,

  ອຸດທິດຖາ ຈັດຕາໂຣ ປາຕິເທສະນີຍາ ທັມມາ,

  ອຸດທິດຖາ (ປັນຈະສັດຕະຕິ) ເສຂິຍາ ທັມມາ,

  ອຸດທິດຖາ ສັດຕາທິກະຣະນະສະມະຖາ ທັມມາ.

  ເອດຕະກັນຕັດສະ ພະຄະວະໂຕ ສຸດຕາຄະຕັງ ສຸດຕະປະຣິຍາປັນນັງອັນ໌ວັດຖະມາສັງ ອຸດເທສັງ ອາຄັດຈະຕິ. ຕັດຖະ ສັບເພເຫວະ ສະມັກເຄຫິ ສັມໂມທະມາເນຫິ ອະວິວະ ທະມາເນຫິ ສິກຂິຕັບພັນຕິ.

  ພິກຂຸປາຕິໂມກຂັງ ນິດຖິຕັງ.